Elbasynyń túrki álemine ortaq aqparattyq keńistik qurý ıdeıasy mınıstrliktiń mańyzdy baǵytynyń biri - Dáýren Abaev

TÚRKІSTAN. QazAqparat - Túrkistan qalasynda ótip jatqan «Túrki álemi jáne aqparattyq keńistik» atty halyqaralyq jýrnalıster forýmyna Qazaqstan Respýblıkasynyń Aqparat jáne kommýnıkatsııalar mınıstri Dáýren Abaev quttyqtaý hat joldady. Jıyn barysynda Halyqaralyq túrki akademııasynyń prezıdenti Darhan Qydyráli medıaforýmǵa qoldaý bildirgen mınıstrdiń hatyn oqyp berdi, dep habarlaıdy QazAqparat HAA tilshisi.

Quttyqtaýda mınıstr Dáýren Abaev «túbi bir túrki jurty aqparat maıtalmandarynyń basyn qosqan alqaly jıynnyń ashylýymen barsha qatysýshylarǵa rızashylyǵyn bildirgen. «Tarıhy tamyrlas elder arasyndaǵy yntymaqtastyq Qazaqstan Respýblıkasynyń Prezıdenti Nursultan Nazarbaevtyń Túrki Keńesiniń sammıtinde ortaq aqparat keńistigin qurý jáne álemdik deńgeıde telearna ashý ıdeıasyn kótergennen keıin odan ári jandana túskeni belgili. Elbasynyń osynaý bastamalary búgingi kúni Aqparat jáne kommýnıkatsııalar mınıstrligi qyzmetiniń mańyzdy baǵyttarynyń biri sanalady. Osy oraıda Halyqaralyq Túrki akademııasy men Ońtústik Qazaqstan oblysy ákimdiginiń qasıetti Túrkistan topyraǵynda búgingideı mazmundy sharaǵa muryndyq bolýy eldik ıdeıany asqaqtatýǵa qosqan úlken úlesi dep bilemin! Jıynnyń basy-qasynda júrgen azamattarǵa alǵys aıta otyryp, forýmnyń joǵary deńgeıde ótýine tilektestigimdi bildiremin», - delingen quttyqtaý hatta.