Elbasynyń tóraǵalyǵymen Joǵary qamqorshylyq keńestiń tuńǵysh otyrysy bastaldy
ASTANA. 16 maýsym. QazAqparat. Nazarbaev ýnıversıtetinde QR Prezıdenti Nursultan Nazarbaevtyń tóraǵalyǵymen Joǵary qamqorshylyq keńesiniń tuńǵysh otyrysy bastaldy. Joǵary qamqorshylyq keńes Nazarbaev ýnıversıtetiniń, Nazarbaev zııatkerlik mektepteriniń jáne men Nazarbaev qorynyń bas meńgerý organy bolyp tabylady, dep habarlaıdy ýnıversıtettiń baspasóz qyzmeti.
Keńes mindetterine uıymdar saıasaty men olardy basqarý jáne meńgerý máseleleri jóninde sheshim qabyldaý jatady. Keńestiń tunǵysh tóraǵasy - QR Prezıdenti Nursultan Nazarbaev. Joǵary qamqorshylyq keńesike 7 adam kiredi. Osymen qosa ýnıversıtettiń, mektepterdiń jáne qordyń jeke qamqorshylyq keńesteri bar. Olar joǵary qamqorshylyq keńestiń sheshimderine baǵynady.
Eske sala ketsek, Nazarbaev ýnıversıtetiniń, Nazarbaev zııatkerlik mektepteriniń jáne Nazarbaev qorynyń áreketi «Nazarbaev Ýnıversıteti», «Nazarbaev Zııatkerlik mektepteri» jáne «Nazarbaev Qory» mártebesi týraly Zańmen retteledi. Atalmysh zań uıymdardyń derbestik jáne óz ózin-ózi basqarýshylyq; akademııalyq erkindik; bilimniń, ǵylym men óndiristiń ıntegratsııasy; sheshimder qabyldaýdyń alqalyǵy; áleýmettik jaýapkershilik pen aıqyndyq tárizdi jumys qaǵıdattaryn bekitedi:
Nazarbaev ýnıversıtetiniń jáne Nazarbaev zııatkerlik mektepteriniń uıymdastyrýshysy - QR Úkimeti. Nazarbaev qory - kommertsııalyq emes uıym, ol tek qana ýnıversıtettiń jáne zııatkerlik mektepterdiń ári olardyń uıymdarynyń áreketin qarjylandyrýǵa qurylǵan.
