Elbasynyń tikeleı jeli arqyly qazaqstandyqtardyń saýaldaryna jaýap beretindigine oraı Baılanys ortalyǵynyń jumysy bastaldy

Bul týraly búgin atalǵan máselege oraı ótken brıfıngte QR Aqparattandyrý jáne baılanys agenttiginiń tórǵasy Qýanyshbek Esekeev málim etti, dep habarlaıdy QazAqparat.

 «Búgin tikeleı jeliniń Internet úlgisi iske qosyldy. Onda el azamattary kókeıinde júrgen saýaldardy qoıa alady. Sonymen qatar, onda beıne suraqtardy da ornalastyrýǵa bolady. Munymen qosa, bul konferentsııa barysynda jelige qosylǵan kez kelgen paıdalanýshy belgili bir aıdarlar boıynsha suraqtaryn joldaý múmkindigi de bar»,-dedi agenttik basshysy.

 Atalǵan Baılanys ortalyǵynyń basshysy Álııa Ǵalymovanyń aıtýynsha, bıylǵy jyly Memleket basshysynyń usynysy boıynsha baılanystyń qazirgi zamanǵy barlyq arnalarynyń, ıaǵnı ınternet, telefon, sondaı-aq mobıldik baılanystardyń múmkindikteri biriktirilgen.

 «Osyǵan oraı bizdiń  shara «Qazaqstan Prezıdentimen tikeleı jeli arqyly baılanys» degen ataýǵa ıe boldy. Elimizdegi telefondandyrý deńgeıi men ınternet resýrstardyń damýy úderisin eskere otyryp, tikeleı jelige kez kelgen el azamattary qatysa alady», dedi ol.

 Á. Ǵalymovanyń sózine qaraǵanda, Baılanys ortalyǵynyń tikeleı jelisiniń (8-7172) 555-777 telefon nómirine habarlasýǵa bolady. Sondaı-aq ınternet arqyly Aqorda men «elektrondy úkimet» saıttarynda qurylǵan tikeleı jeliniń veb-portalyna (http://www.line.gov.kz/ ) saýaldar qoıylady.

 Esterińizge sala keteıik, Elbasy elimizdiń halqymen dástúrli túrde tikeleı baılanysta Qazaqstan azamattarynyń saýaldaryna jaýap berip keledi. 2005 jyly bul shara tikeleı efır túrinde ótkizilse, 2007 jyly ınternet-konferentsııa uıymdastyrylǵan bolatyn.

 Aıta keteıik, Prezıdenttiń halyqpen tikeleı jeli arqyly tildesýine nebári14 kún qaldy. Dál osy ýaqytqa deıin Baılanys ortalyǵyna 40-qa jýyq suraq kelip tústi.