Elbasynyń tikeleı efır barysynda aıtqan stýdentterdiń bilimdi bolýy týraly pikiri jastarǵa oı salýy tıis-Almatylyq stýdent
Y. Qarashanyń 13-i. QazAqparat /Erbol Azanbek/ - Elbasynyń tikeleı efır barysynda aıtqan stýdentterdiń bilimdi bolýy týraly pikiri jastarǵa oı salýy tıis.
Bul týraly QazAqparat tilshisine Abylaı han atyndaǵy QazMHQÁT janyndaǵy menedjment jáne týrızm kolledjiniń 2 kýrs stýdenti Toǵjan Uıqasbaeva aıtty.
Onyń sózine qaraǵanda, álemdik elderdiń tájirıbesine qarap otyrsaq, shyn máninde Qazaqstannan basqa eshbir memleket stýdentterdi jumysqa ornalastyrýmen shuǵyldanyp otyrǵan joq. «Naryqtyq qatynastarda ómir súrip otyrǵan elde árbir azamat sapaly bilim alý, bilimin jetildirý, tabysy joǵary jumys tabýǵa ózi umtylýy tıis. Bul baǵytta bizde memleket talapty jastardyń tegin bilim alýy úshin jaǵdaı jasap otyr. Sondyqtan árbir jas mektep qabyrǵasynan bilimge umtylyp, memlekettik grantty utyp alýǵa tyrysýy tıis. Elbasy tikeleı efır barysynda memlekettiń grant negizinde oqyǵan stýdentterdi jumysqa ornalastyrýdy qoldaıtynyn atap ótti. Bul jaqsy bilim meńgergen jastarǵa úlken qoldaý. Sondyqtan árbir jas mektep, ýnıversıtet qabyrǵasynda sapaly bilim alyp, jaqsy ómir súrýge umtylýy tıis. Bizde Elbasy aıtyp ótkendeı, keńestik kózqaras áli umytylmaı keledi. Ata-ana da, jastar da qalaı bolsa solaı bilim alyp, jumysqa ornalasa almaı jatsa, memleketti kinálaıdy. Jastarǵa men jeke tulǵamyn, men ózim jetýim kerek degen kózqaraspen bilimge, sol arqyly jaqsy jumysqa, jaqsy ómirge umtylýy kerek», deıdi 2 kýrs stýdenti.
Ol sondaı-aq Elbasynyń QR Sport jáne týrızm mınıstrligine jastardyń sportpen aınalysýyna jaǵdaı jasaý týraly tapsyrmasyna qýanatynyn bildirdi. «Qazir jastardyń kópshiliginiń sport zaldarynda jattyǵýǵa qarjylyq múmkindigi jete bermeıdi. Sondyqtan Sport jáne týrızm mınıstrligi Memleket basshysynyń tapsyrmasy boıynsha jastarǵa sportpen aınalysýyna qamqorlyq jasap, qoljetimdi baǵa boıynsha sport zaldaryn jasaqtasa», deıdi T.Uıqasbaeva.
