Elbasynyń «Táýelsizdik dáýiri» kitaby Grýzııada tanystyryldy

ASTANA. QazAqparat - Qazaqstan Elshiligi Grýzııanyń Ulttyq ǵylym akademııasynda Nursultan Nazarbaevtyń «Táýelsizdik dáýiri» kitabynyń tanystyrylymyn ótkizdi, dep habarlaıdy QazAqparat QR SІM baspasóz qyzmetine silteme jasap.

Sharaǵa Grýzııa Ulttyq ǵylym akademııasynyń músheleri, joǵary oqý oryndarynyń muǵalimderi, jýrnalıster men stýdentter qatysty.

Grýzııa UǴA Prezıdenti, akademık Georgıı Kvesıtadze óz sózinde Prezıdent Nursultan Nazarbaevpen úsh márte kezdeskenin jáne onyń basshylyǵymen Qazaqstan jahandyq syn-qaterlerdi senimdi eńserip kele jatqanyn basa aıtty.

«Memleket - tiri aǵza. Al atalǵan aǵzany qalyptastyratyn, naqty belgilengen parametrlerge sáıkes árbir elementiniń tolyqqandy damýyn qamtamasyz etetin jáne onyń senimdi qyzmetine kepildik beretin qazaqstandyq model - bazalyq matrıtsa», - deıdi ol.

Sonymen qatar G.Kvesıtadze ultaralyq kelisimniń qazaqstandyq modeliniń halyqaralyq deńgeıde moıyndalýy da tosyn jaıt emestigin basa aıtty.

Qazaqstannyń Grýzııadaǵy isteriniń ýaqytsha senimdi ókili Gúlmıra Sultanáli de sóz sóılep, Memleket basshysynyń qazaqstandyq memlekettilikti qalyptastyrý, ult pen eldi qaıtadan órletý jolyndaǵy eren eńbegine keńinen toqtaldy.

Shara barysynda Nursultan Nazarbaev kitaptarynyń jáne Qazaqstanǵa týraly kórme uıymdastyryldy.