Elbasynyń tapsyrmasyna sáıkes ÚIIDB aıasyndaǵy jobalardyń iske asyrylýy elimizdiń ekonomıkalyq órkendeýin jańa deńgeıge kóterdi - Prezıdent poshtasynan
Bul týraly QR Prezıdentiniń baspasóz qyzmeti habarlaıdy.
Ardagerler óz hatynda Elbasynyń tapsyrmasyna sáıkes Údemeli ındýstrııalyq-ınnovatsııalyq damý baǵdarlamasy aıasyndaǵy jobalardyń iske asyrylýy elimizdiń ekonomıkalyq órkendeýin jańa deńgeıge kótergenin atap ótken. «Óıtkeni, bul baǵdarlama halyqtyń ál-aýqatyn jaqsartýǵa yqpal etip otyr. Elimiz táýelsizdik alǵan jyldardan beri memleket sheteldik iri kompanııalar men otandyq bıznes ókilderine múmkindiginshe qoldaý kórsetip, shaǵyn jáne orta bıznes salasynyń qarqyndy damýyna jaǵdaı jasap keledi. Mysaly, 2008 jyldyń qańtar aıynda Jezqazǵan qalasynda ótken «Bıznestiń áleýmettik jaýapkerligin arttyrý» jónindegi forýmda Memleket basshysy bıznestiń áleýmettik salaǵa qarjy bólip, onyń damýyna úles qosatyn kez kelgenin aıtqan edi. Prezıdenttiń osy bastamasy búgingi kúni óz jemisin berip, bıznes ókilderi tarapynan keńinen qoldaý taýyp otyr» dep jazady hat ıeleri.
Odan ári hatta: «Qyzylorda oblysynyń ákimdigi men «Qazatomprom» ulttyq atom kompanııasy» AQ arasynda «Qyzylorda oblysynyń áleýmettik-ekonomıkalyq damýy týraly memorandýmǵa» qol qoıylyp, kompanııa tarapynan Shıeli aýdanynda naqty jobalar júzege asyrylýda. Qazaqta «Jaqsynyń jaqsylyǵyn aıt, nury tasysyn» degen sóz bar. Elbasynyń tapsyrmasymen «Bıznestiń áleýmettik jaýapkershiligin» arttyrýda «Qazatomprom» ulttyq atom kompanııasy» AQ prezıdenti V.Shkolnık Shıeli aýdanynyń jurtshylyǵymen birneshe márte kezdesip, halyqtyń usynys-pikirimen tanys boldy. Sonyń nátıjesinde bul ýaqytqa deıin kóp is atqaryldy», - delingen ujymdyq hatta.
Atap aıtqanda, 2007-2010 jyldary Shıeli aýdanynda 200 oryndyq «Arman» mádenıet úıi, №127 orta mektep ǵımaraty, kóp qabatty turǵyn úıdiń qaraýsyz qalǵan páterleri kúrdeli jóndeýden ótken. Sondaı-aq, 280 oryndyq «Aınalaıyn» balabaqshasy, múmkindigi shekteýli balalarǵa arnalǵan 50 oryndyq mektep-ınternat paıdalanýǵa berilip, basqa da túrli áleýmettik jobalar júzege asyrylǵan. Osy atqarylǵan sharalardyń nátıjesinde qosymsha 300-den asa jumys orny ashylǵan. Jalpy alǵanda, 2007-2010 jyldary ulttyq kompanııa áleýmettik jobalarǵa 2,5 mıllıard teńgege jýyq qarjy jumsaǵan. Al 2010-2012 jyldary Kókshoqy yqshamaýdanynda 150 oryndyq stadıon qurylysy, Maılytoǵaı aýylynda jobalyq quny 30 mıllıon teńgege jýyq jer asty uńǵymasy paıdalanýǵa berilip, turǵyndar aýyz sýmen qamtamasyz etilgen. Bul - bıznestiń áleýmettik jaýapkershiligi uǵymyn ulttyq kompanııa basshylyǵynyń tereń túsinip, Elbasy bastamasyna keńinen qoldaý kórsetip, is júzine asyrǵandyǵynyń naqty jemisi.
Hat ıeleri bul tabystarǵa Prezıdent júrgizip otyrǵan sarabdal saıasattyń arqasynda qol jetkizilgenine toqtalyp ótip, Elbasynyń elimizdiń jarqyn bolashaǵy úshin atqaryp kele jatqan qyzmetine mol tabys tileıdi.
Ujymdyq hatqa Shıeli aýdanynyń ardagerleri S.Orazymbetov, P.Arhabaev, Q.Súgirbaev, Ó.Isahanov, J.Ahmetov, A.Eshpanov, S.Sársenbaev, J.Baetov, S.Amanjolov jáne B.Medetbekov qol qoıǵan.
