Elbasynyń tapsyrmasymen quqyq qorǵaý júıesin jańǵyrtý júrip jatyr
Bul týraly Almatyda ótken qoǵamdyq keńes otyrysynda QR Prezıdenti ákimshiliginiń quqyq qorǵaý júıesi bóliminiń meńgerýshisi Alekseı Kalaıchıdı aıtty.
«Memleket basshysynyń 30 mamyrdaǵy Qaýipsizdik keńesindegi tapsyrmasyna sáıkes 3 jumys toby quryldy. Bul jumys toptary quqyq qorǵaý jáne sot júıesin jańǵyrtýmen aınalysatyn bolady. Qarýly kúshter qurylymyn reformalaý - óte kúrdeli protsess. Bul protsess óte tereń taldaýǵa negizdelýi tıis. Progress bir orynda turmaıdy. Keshe tıimdi bolǵan nárse búgin qajeti joq bolýy múmkin. Qoǵamdyq keńes múshelerine aıtqan usynystary úshin alǵys aıtamyn», - dedi Alekseı Kalaıchıdı.
Onyń aıtýynsha, qoǵamda sheshilýi kezek kúttirmeıtin asa mańyzdy máseleler - polıtsııaǵa senimniń artýy, ІІO jedeldiginiń tómendigi, qylmys sanynyń artýy, taǵy basqa máseleler Qoǵamdyq keńes bergen usynystarda anyq kórinis tapqan.
PÁ ókili jumys tobynyń osy ýaqyt aralyǵynda atqarǵan jumysy týraly baıandady.
Aıta ketý kerek, Qoǵamdyq keńes QR ІІM reformalaý týraly usynysyn Prezıdent ákimshiligine baǵyttaǵan bolatyn.
