Elbasynyń tapsyrmasymen elordalyq Oqýshylar saraıynda aýmaǵy 1400 sharshy m quraıtyn «ınteraktıvti saıabaq» qurylady (FOTO)
- Q ymbat M uq an qyzy , Oqýshylar saraıy jaıly, onda qazir qandaı úıirmeler jumys isteıtini týraly aıtyńyzshy ?
- Bul saraı 2011 jyly Memleket basshysynyń tapsyrmasymen salynǵan. Bizdiń Elbasy naǵyz strateg jáne qamqor kóshbasshy retinde bolashaqta qazaqstandyq elıtanyń negizin quraıtyn jastardyń bilim alýyna jaqsy jaǵdaılar jasap keledi.
Qazirgi ýaqytta Oqýshylar saraıynda 9304 bala bilim nárinan sýsyndatýda. Olar 116 úıirme men sektsııaǵa qatysady. Tálimgerlerdiń 80%-y bıýdjettik toptarda bilim alýda. Onda turmysy tómen januıalardan shyqqan, múgedek, daryndy jáne ózge de balalar bar.
Saraıda zerthanalar, 3D tehnologııasyn paıdalaný arqyly panoramalyq, sferalyq jáne ǵalamsharlyq keskindeme kórsetýge múmkindik beretin planetarıı, observatorııa, medıaortalyq, sporttyq manejder, júzý basseıni, muz alańy jáne ózge de nysandar bar.
Balalar munda barlyq sala boıynsha túrli zertteý jumystaryna qatysa alady.
Biz árdaıym sheteldik delegatsııaǵa saıahat uıymdastyramyz. Sheteldik qonaqtardyń kóbi bizdiń saraıymyzdyń materıaldyq-tehnıkalyq bazasyna tańdanady. Olardyń keıbireýleri álemdik ekonomıkadaǵy daǵdarys jaǵdaıyna qaramastan, osyndaı balabaqshalar, mektepter men ózge nysandardy salýǵa qaýqarly memlekettiń bolashaǵy jarqyn dep aıtady.
- Ahmet Baıt u rsynov «Mekteptiń jany - muǵalim. Muǵalim qandaı bolsa, mektep te sondaı bolmaqshy» degen. Oqýshylar saraıynda balalarǵa tárbıe beretin pedagogtar men jattyqtyrýshylarǵa toqtala ketseńiz...
- Bizde barlyǵy 169 pedagog jumys isteıdi. Olardyń jartysynan astamynyń biliktiligi birinshi nemese joǵary deńgeıde. Shamamen 20%-y - ekinshi kategorııadaǵy muǵalimder. Bizdiń qyzmetkerlerimizdiń arasynda ǵalymdar, belgili mamandar, mýzykanttar, ǵylym, mádenıet jáne sport qaıratkerleri, solardyń ishinde 5 ǵylym doktory, 5 ǵylym kandıdaty, Reseı sýretshiler shyǵarmashylyǵy ortalyǵy men Halyqaralyq sýretshiler qaýymdastyǵynyń 2 múshesi, QR Sýretshiler odaǵynyń 5 múshesi, 4 Qazaqstan mádenıetiniń qaıratkeri, túrli sport boıynsha Azııanyń jáne álemniń 9 chempıony, 13 QR sport sheberi jáne sport sheberine úmitker bar.
- Sizderdiń Saraıyńyzda balalar qandaı úıirme nemese sektsııaǵa qyzyǵýshylyq tanytady?
- Sporttyq sektsııalarǵa, sonymen qatar horeografııa, vokal jáne ózge de úıirmelerge basymdyq beredi. Sońǵy kezderi balalardyń ǵaryshtyq modeldeý men robototehnıkaǵa degen qyzyǵýshylyǵy artyp kele jatqanyn baıqaımyz. Máselen, bizdiń balalar hımııa úıirmesiniń jetekshisi ǵylym doktory, professor Erlan Súleımenmen birlesip, ıissý jasaǵan. Onyń quramynda Qazaqstan aýmaǵynda ósetin ósimdikter bar. Sondaı-aq bizdiń oqýshylar qaǵaz jáne jasandy bal óndirýdiń ekologııalyq taza tehnologııasyn usyndy.
Bizdiń qurastyrý jáne robototehnıka sektsııamyz bul saladaǵy sheteldik uıymdarmen áriptestik aıasyn keńeıtýde. Belorýssııalyq jáne ońtústikkoreılik robot qurastyrýshylarmen yntymaqtastyq ornattyq. Ǵylymı-ádistemelik ortalyq qurý josparda bar.
1,5 jyl qatarynan tálimgerler «I-Bala» balalar jornalyn shyǵarýǵa qyzyǵýshylyq tanytýda. Ol medıaortalyqta betteledi. Onda jýrnalıstıka úıirmesi, foto jáne vıdeostýdııa jumys jasaıdy.
Konkımen júgirý sektsııasyn ashýdamyz. Bolashaqta tálimgerlerimiz álemdik syndarda Qazaqstan qorjynyn alqalarmen tolyqtyrady degen úmittemiz.
- Oqýshylar saraıynyń bolashaqtaǵy jospary jaıly, kelesi jyly balalardy qandaı jańalyq kútip turǵanyn aıtsańyz
- Kelesi jyldyń basynda «Ǵylymnyń vırtýaldy murajaıy» atty jańa jobany iske qosamyz. Vırtýaldy tehnologııalar arqyly bizge kelýshiler álemniń kez-kelgen jerindegi ásem oryndardy, túsi, kólemi jáne pishinine qaramastan óndiristik ınfraqurylymnyń nysandary men ǵımarattaryn tamashalaı alady. Endi balalarymyzdyń marsta nemese Amazonka ormandarynda bolý armany oryndalady.
Taǵy bir jańalyq Elbasynyń tapsyrýymen júzege asatyn «Interaktıvti saıabaq» jobasy. Onyń maqsaty jastardyń shyǵarmashylyq jáne ǵylymı múmkindigin arttyrý. Onda ǵylym, tehnıka, sport jáne ónerdiń barlyq salalary boıynsha eksponattar men ınteraktıvti stendter kesheni kórsetiledi. Bastapqy kezde saıabaq alańy 1400 sharshy metrdi quraıdy.
Bizdiń pikirimizshe, bul jobalar jastardyń shyǵarmashylyq múmkindigin damytady. Vırtýaldy murajaı men ınteraktıvti saıabaq oqýshylardyń, stýdentterdiń, balalary bar otbasylardyń qyzyǵýshylyǵyn arttyryp, olardyń bizge kelýine túrtki bolady.
- Áńgimeńizge rahmet! Igi jumysyńyzǵa tabys tileımiz!
