Elbasynyń syndarly saıasatynyń negizgi basymdylyǵy - ortaq múdde, birlik, tatýlyq, beıbitshilikke úndeıdi - S.Álimbekova

Sebebi, Elbasy Nursultan Nazarbaevtyń syndarly saıasatynyń negizgi basymdylyǵy - ortaq múdde, birlik, tatýlyq, beıbitshilikke úndeıdi. Bul jaıynda ál-Farabı atyndaǵy Qazaq ulttyq ýnıversıteti Baspasóz qyzmetiniń jetekshi mamany Saıagúl Álimbekova QazAqparat tilshisine pikir bildirý kezinde aıtty.

S. Álimbekova Prezıdenttiń bıylǵy Joldaýda elimizdiń bilim berý isi 129 eldiń arasynda kósh bastaýshylar qatarynda kele jatqandyǵyn baıandaǵanyn aıtady. «Elbasy ótken onjyldyqta bilimge bólinetin qarajat 10 esege kóbeıgendigin, osy jyldary 750 jańa mektep salynǵandyǵyn, sonymen qatar, 5 302 mektepke deıingi mekeme, 1 117 balabaqsha men 4 185 ortalyq ashylǵandyǵyn aıtty. Bul kórsetkishter, árıne Elbasynyń bilim jáne ǵylym, aǵartýshylyq salalaryna úlken mán berip otyrǵandyǵyn kórsetedi», -deıdi S.Álimbekova.

Sonymen qatar ol halyq densaýlyǵy árqashan Joldaý taqyrybynda ózektilikke ıe bolýy qýantarlyq jaıt ekendigin aıtady. «Joldaýda aıtylǵandaı, táýelsizdik jyldarynda 500-ge jýyq jańa densaýlyq saqtaý nysany salyndy. Medıtsına mekemeleriniń materıaldyq-tehnıkalyq bazasy aıtarlyqtaı jaqsardy. Munyń bári halyqtyń ál-aýqatynyń jaqsaryp, ómir jasynyń uzarýyna úles qosyp otyr. Bul Joldaýda belgili bolǵandaı ekonomıkalyq modernızatsııa, áleýmettik modernızatsııa, bilim, densaýlyq saqtaý, tildi damytý, jumyspen qamtýdyń jańa tujyrymdamasy jáne halyqty sapaly aýyzsýmen qamtamasyz etý, kiristi ulǵaıtý sııaqty salalarda jetildirilgen jumystar bastaý alatyndyǵy halyq ıgiligi úshin jasalatyn is dep bilem», -dep atap ótti óz sózinde Saıagúl Álimbekova.

Sondaı-aq ol Joldaýda 2015 jyly bilim mekemesiniń 50 paıyzy elektrondy oqytýǵa kóshetindigin, al 2020 jyly ol 90 paıyzǵa ósedi dep tapsyrma júktelgendigi aldaǵy 5 jyldyq pen onjyldyqta talaı jańa bastamalar oryn alatyndyǵynan sıpat berip otyr deıdi.

"Taıaýda úkimettik emes uıymdar men jekelegen azamattar, zııaly qaýym ókilderi men Parlament depýtattary qoldaý bildire otyryp Elbasy ókilettigin uzartý úshin búkilhalyqtyq referendým ótkizý týraly bastama kótergendigi belgili. Bul - Elbasyna artylǵan halyqtyń úlken senimi. Halyqtyń jyly yqylasy men qurmeti. Osy oraıda referendýmǵa pikirin jetkizgen Prezıdent N.Á.Nazarbaev 20 jyldan beri bar kúsh-jigeri men bilik -tájirıbesin aıamaı, halyqqa qaltqysyz qyzmet etip kele jatqandyǵyn aıtyp, senimge sert berip, bar jaýapkershilikti moınyna alatyndyǵyn jetkizdi. Bul sheshim - Elbasy ózi bastamashyldyq tanytyp, el baǵytyn jarqyn bolashaqqa baǵdarlaǵan qyrýar ister men úlken jaýapkershilikti halyq ıgiligi úshin atqarýǵa úlken senim týǵyzyp otyr", -deıdi Saıagúl Qabylbekqyzy.