Elbasynyń sporttyq jattyǵýlary
ASTANA. QazAqparat - Aqordanyń baspasóz qyzmeti óziniń Facebook-taǵy paraqshasyna QR Prezıdenti N. Nazarbaevtyń qatysýmen vıdeorolık jarııalady.
Prezıdent baspasóz qyzmeti men Da Gudda Jazz tobynyń birlesken beınerolıgi 2013 jyly túsirilgen. Vıdeoda Qazaqstannyń tanymal sportshylarynyń (Serik Sápıev, Ilıa Ilın, Aleksandr Vınokýrov, Olga Rypakova, Gennadıı Golovkın, Gýzal Manıýrova jáne t.b.) jetistikteri kórsetilgen. Belgili sportshylardyń jattyǵýlary men jeńisteri QR Prezıdenti N. Nazarbaevtyń jattyǵý kadrlarymen almasyp otyrady.
Aıta keteıik, Memleket basshysy jeke úlgisimen salamatty ómir saltyn jáne sportpen shuǵyldanýdy belsene nasıhattaıdy.
Ol úshin súıikti sport túriniń biri - tennıs. Nursultan Nazarbaev raketkany erkin meńgergen jáne kortqa júıeli túrde shyǵyp turady. Aıta keterligi, tennısti kóptegen saıasatkerler men túrli elderdiń kóshbasshylary oınaıdy. Óz kezinde Memleket basshysynyń laıyqty áriptesiniń biri Reseıdiń tuńǵysh prezıdenti Borıs Eltsın boldy. Búginde Nursultan Nazarbaev matchtarǵa jıi qatysyp, óziniń tamasha babynda ekenin kórsetip qana qoımaı, jańa bastaǵan tennısshilerge sheberlik dárisin de ótkizip turady. Oǵan qosa, Qazaqstanda jyl saıyn el Prezıdentiniń kýbogy úshin tennıs týrnıri ótedi.
Prezıdenttiń taǵy bir áýes isi - golf. Memleket basshysy ózge de belgili álemdik saıasatkerler jáne bıznesmenderdiń qatarynda túrli halyqaralyq týrnırlerge de jıi qatysady. Óziniń aıtýynsha, Memleket basshysy alǵash taý shańǵysyn aıaǵyna 55 jasynda baılapty. Sodan beri Nursultan Nazarbaevty Shymbulaq shatqalynda jáne basqa da taýly kýrorttarda jıi kórýge bolady.
