Elbasynyń sheteldik saparlarynda 13,4 trln teńgeniń qujattary bekitildi
ASTANA. QazAqparat - 2015-2016 jyldary QR Prezıdentiniń sheteldik saparlary nátıjesi boıynsha 13 trln teńgeden astam somadaǵy 170 ekijaqty qujatqa qol qoıyldy. Bul týraly búgin Úkimet saǵatynda QR Parlamenti Májilisi tóraǵasynyń orynbasary Vladımır Bojko málim etti.
«Tek 2015-2016 jyldary Memleket basshysynyń Italııa, QHR, Ulybrıtanııa, Frantsııa, Iran, sondaı-aq Túrkııaǵa saparlary nátıjesinde jalpy somasy 13 trıllıon 421 mıllıard teńgeniń ekijaqty 170-ten astam qujattaryna qol qoıyldy», - dedi V. Bojko.
Aıta keteıik, búgin Úkimet saǵatynda QR Syrtqy ister mınıstri Erlan Ydyrysov «Ekonomıkalyq dıplomatııa - Qazaqstannyń syrtqy saıasatynyń basty baǵyty» taqyrybynda baıandama jasap, syrtqy ister salasyndaǵy máseleler boıynsha depýtattar saýaldaryna jaýap beri.
