Elbasynyń shaqyrýymen Qazaqstanǵa BUU Bas hatshysy Pan Gı Mýnnyń resmı sapary ótedi
áýirdiń 5-i. QazAqparat /Rýslan Ǵabbasov/ - Sáýirdiń 6-7 aralyǵynda Elbasy Nursultan Nazarbaevtyń shaqyrýymen Qazaqstanǵa BUU Bas hatshysy Pan Gı Mýnnyń resmı sapary ótedi. Bul týraly búgin Astanadaǵy brıfıngte QR Syrtqy ister mınıstrliginiń baspasóz hatshysy Іlııas Omarov málim etti,
dep habarlaıdy QazAqparat.
«Astana men Semeı qalalaryna barý saparyn qamtıtyn bul sharada saıası baılanystardy nyǵaıtý máseleleri qarastyrylyp, bizdiń elimizdiń basshylarymen ózekti yntymaqtastyq máseleleri talqylanady. Sondaı-aq Qazaqstannyń EQYU-ǵa tóraǵalyǵy barysyndaǵy halyqaralyq problemalar qarastyrylmaq», dep atap ótti І. Omraov.
Onyń sózine qaraǵanda, sapar aıasynda BUU Bas hatshysy Semeıdegi burynǵy ıadrolyq polıgonda bolyp, Ulttyq ıadrolyq ortalyǵymen, onyń ishinde radıatsııalyq qaýipsizdik jáne ekologııa ınstıtýtymen tanysady.
