Elbasynyń Parlament Májilisiniń kezekten tys jalpy otyrysyna qatysty
ASTANA. QazAqparat - Parlamenttiń sessııasyn ashqan Nursultan Nazarbaev syndarly zań shyǵarý dástúrin jalǵastyrý qajet ekenin atap ótti.
«Jańa zańdardy ázirleý men qabyldaýdyń barlyq máseleleri jóninde Úkimetpen tyǵyz ári úılesimdi ózara is-qımyl júrgizý qajet. Osy oraıda, zańdar tııanaqty ári sapaly ázirlengen bolýy tıis. Ásirese Senat pen Májilis depýtattarynyń halyqqa jańa zańnamanyń maqsattary men mindetterin jetkilikti túrde túsindirýdegi rólin arttyrý mańyzdy», - dedi Prezıdent.
Elbasy álemdik ekonomıka men saıasattaǵy kúrdeli jaǵdaıǵa nazar aýdardy.
«Álemdegi kóptegen ekonomıkasy damyǵan jáne damýshy memleketter qıyndyqty bastan keshýde. Elder arasyndaǵy ınvestıtsııa aǵynynyń kólemi azaıdy. Biz álemdik ekonomıkanyń bóligi bolǵandyqtan, munyń bári Qazaqstandaǵy jaǵdaıǵa da keri áserin tıgizýde. Osyndaı jaǵdaıda Úkimet pen Ulttyq banktiń daǵdarysqa qarsy is-qımyl josparynyń iske asyrylýy jalǵasa beredi, ol jańa sharalarmen ýaqtyly tolyqtyrylyp otyrady, - dedi Nursultan Nazarbaev.
Memleket basshysy depýtattyq korpýsty alda aýqymdy jumys kútip turǵanyn aıtty.
«Jańa sessııanyń aıasynda Sizderge 50 shaqty zań jobasyn talqylap, qabyldaý qajet. 7 jańa zańdy qabyldaýǵa depýtattar bastamashylyq etti jáne ony Úkimet qoldady. Bul bastamalar - depýtattyq korpýstyń joǵary kásibıliginiń aıqyn dáleli. Ótken sessııa aıasyndaǵy 28 joba boıynsha talqylaý úderisi bastaldy», - dedi Qazaqstan Prezıdenti.
Budan bólek, Nursultan Nazarbaev Parlament Palatalary qyzmetiniń barynsha jarııaly bolýy qajettigine toqtaldy.
Sóziniń sońynda Nursultan Nazarbaev jınalǵandardy kezekti parlamenttik sessııanyń bastalýymen quttyqtap, zor densaýlyq jáne jemisti jumys tiledi.
Otyrystyń kún tártibinde bir ǵana másele - Qazaqstan Respýblıkasynyń Prezıdentine Qazaqstan Respýblıkasynyń Premer-mınıstrin taǵaıyndaýǵa kelisim berý týraly másele qaraldy. Jalpy otyrysqa tóraǵalyq etken Májilis spıkeri N.Nyǵmatýlın atap ótkendeı, Konstıtýtsııanyń 56-baby 1-tarmaǵy 2)-tarmaqshasyna sáıkes Respýblıka Prezıdentine Respýblıka Premer-Mınıstrin taǵaıyndaýǵa kelisim berý Májilistiń erekshe qaraýyna jatady.
Kún tártibindegi másele boıynsha sóz alǵan Elbasy premer-mınıstr K.Másimov bastaǵan úkimettiń otstavkasyn qabyl alǵanyn atap ótip, úkimet basshysy men múshelerine kúrdeli kezeńde alǵa qoıylǵan barlyq mindetterdiń oryndalǵanyn aıtyp, atqarǵan jumystary úshin alǵys bildirdi.
Memleket basshysy Konstıtýtsııanyń 44-babyna sáıkes, Parlament Májilisiniń qaraýyna Qazaqstan Respýblıkasy Premer-mınıstri laýazymyna Baqytjan Saǵyntaevtyń kandıdatýrasyn usyndy.
Elbasy óz sózinde oblystardyń, Astana jáne Almaty qalalary ákimderiniń qatysýymen ótken Úkimettiń keńeıtilgen otyrysynda jańa Mınıstrler kabıneti sheshýge tıis birqatar jańa mindetter alǵa qoıylǵandyǵyn, álemdik ekonomıka men saıasattyń qazirgi turaqsyzdyǵy jaǵdaıynda strategııalyq baǵdarlamalarymyzdy iske asyrýdy jalǵastyrýdyń mańyzdylyǵyn atap ótti. Bul turǵyda Úkimetten barlyq baǵyt boıynsha naqty, saýatty jumys talap etiledi. Osy oraıda «Basqarýshylyq salada tájirıbesi mol, elimizdiń iri aımaqtarynyń biri - Pavlodar oblysyn basqarǵan, «Nur Otan» partııasy Saıası keńesi bıýrosynyń múshesi Baqytjan Saǵyntaev jańa Úkimet jumysynyń sabaqtastyǵy men tıimdiligin saqtaý úshin laıyqty kandıdatýra dep oılaımyn», - dedi Nursultan Nazarbaev.
Májilis depýtattary premer-mınıstr laýazymyna usynylǵan B.Saǵyntaevtyń kandıdatýrasyn biraýyzdan maquldady.
