Elbasynyń óz ókilettigin toqtatýy úlken jaýapkershiliktiń dáleli - Polsha eks-prezıdenti

NUR-SULTAN. QazAqparat - Nursultan Nazarbaevtyń prezıdenttik ókilettigin toqtatýy - el taǵdyry úshin orasan jaýapkershiliktiń dáleli. QR Prezıdentiniń Teleradıokeshenine eksklıýzıvti suhbat bergen Polshanyń eks-basshysy Aleksandr Kvasnevskıı osyndaı pikir bildirdi, dep habarlaıdy QazAqparat.

A. Kvasnevskıı atap ótkendeı, QR Tuńǵysh Prezıdenti-Elbasy Nursultan Nazarbaev - zamanaýı Qazaqstannyń arhıtektory.

«Sondaı-aq ol táýelsizdik alǵannan bastap eldi alǵa damytqan kóshbasshy bolyp tabylady. Árıne, Qazaqstannyń búgingi jetistigi mıllıondaǵan adamnyń, Qazaqstan azamattarynyń eńbegi. Biraq Nursultan Nazarbaev olardyń kóshbasshysy boldy. Onyń óz ókilettigin toqtatý týraly sheshimi - bul el taǵdyry úshin úlken jaýapkershiliktiń dáleli. N.Nazarbaevtyń tarıhı eńbegi orasan. Ol Qazaqstan kelesi kezeńge ótýi tıistigin biledi. Jáne kelesi kezeń - demokratııalyq ınstıtýttardyń odan ary damýy bolyp tabylady. Mundaı qadamǵa bel býǵan sanaýly ǵana memleket basshylary bar», - dedi ol.