Elbasynyń otbasy qundylyqtary týraly aıtqan sózderin shyn júregimmen tyńdadym - M. Jumaev

- Maqsut, «Mereıli otbasy» baıqaýy qalaı ótti?

- Bul baıqaý árbir adamdy ómirdegi basty qundylyqtardy baǵalaýǵa, patrıot bolýǵa shaqyrady. Óıtkeni patrıotızm - ata-babalarymyzdyń erlik joldarynan bastaý alady emec pe!? Demek, bizde óz balalarymyzǵa úlgi bolýymyz qajet! Prezıdent óz sózinde osy jóninde áńgime órbitti. Men ony bar yntammen, shyn júregimmen tyńdadym. Nursultan Ábishuly jeńimpazdy ataǵanda biz eshqandaı da muńaıǵanymyz joq. Óıtkeni biz onsyz da jeńimpazbyz! Almatydan birinshi biz bardyq. Demek, biz jeńimpazbyz! Óıtkeni biz osy bir keremet baıqaýdyń bastaýynda turmyz. Osyndaı ıgi sharalarǵa qatysqan saıyn, Otanyń, týǵan jeriń qundy bola túsedi eken. Odan basqa, osy sharanyń arqasynda Elbasymen júzdestik. Ekiniń biri Prezıdentpen kezdese bermeıdi ǵoı. Onyń ústine bul daladaǵy nemese kóshe boıyndaǵy kezdeısoq kezdesý emes. Men Nursultan Ábishulyna densaýlyq, uzaq ómir tileımin. Barlyǵy qyzyq boldy. Ásirese Elbasynyń kópshilik aldyna shyǵyp: «Bala durys ósýi úshin oǵan kúnine 30 ret arqasynan sıpap, qoldaý kórsetip otyrý kerek», - degen sózin esime saqtap aldym.

Keıin, Almatyǵa kelgen soń bizdi ońtústik astananyń ákimi Ahmetjan Esimov quttyqtady. Biz ol kisige búkil otbasymyzben rızamyz. Óıtkeni biz Almaty ákimdiginiń sheshiminiń arqasynda Almaty atynan osy baıqaýǵa qatysý baqytyna ıe boldyq.

- Endi Prezıdenttiń syılyǵyn qalaı paıdalanbaq oıyńyz bar?

- Qazir men mashınany ózimniń qyzmetimdegi áriptesterime «jýyp» jatyrmyn. Kóp quttyqtaýlar aıtyldy. Biraq maǵan bizdiń bir ofıtserdiń aıtqan sózi óte qatty unady. Ol: «Syılyq bul - baq, sáttilik, eger ony satsań, onymen birge baǵyń da, jetistigiń de ketedi», - dedi. Áıtpese maǵan sol kúni-aq kelip: «Kóligińdi sat» - degender boldy. Biraq men: «Satylmaıdy», - dedim. Men o basta-aq, nege ekenin qaıdam, ony satýǵa bolmaıtyndyǵyn túsindim. Prezıdenttiń syılyǵy bul jáı syılyq emes, bul - kúsh-qýat, taǵdyrdyń syıy! Biz mashınany satpaımyz. Kerisinshe, áıelim óz mashınasyn sataıyn dep jatyr. Sóıtip osy mashınany aıdaıtyn bolady. Al burynǵy mashınany satqannan túsken aqshaǵa úı salamyz. Óıtkeni, bul biz úshin mańyzdy taqyryp. Áıelim: «Úı salaıyqshy» , - dep kúnde aıtady. «Mereıli otbasy» baıqaýynda «Týǵan úı - bastaýlardyń bastaýy» degen án joldary esimde qalypty. Bizdiń qazir óz úıimiz joq. Demek, balalarymyzyń da týǵan úıi joq ispettes. Ázirge memleket úı jaldap turýymyzǵa kómektesip jatyr. Men anda-sanda áıelime: «Bir mánisi bolar, úshinshi balańdy bosan», - dep qoıamyn. Biraq ol jalǵa alynǵan páterde bosanǵysy kelmeıtindigin aıtady. Sondyqtan, Prezıdenttiń syılaǵan mashınasy bizge jańa úı salýǵa múmkindik berip otyr. Ol úı bizdiń balalarymyzdyń Qara shańyraǵyna aınalady. Eline qalaýly azamat bolyp ósýleri úshin olardyń «tamyry» myqty olýy kerek.