Elbasynyń oń saıasaty arqasynda qazaq tili jańa deńgeıge kóterildi - jazýshy K.ıÝsýp
ASTANA. QazAqparat - Qazaq tili Elbasynyń oń saıasatynyń arqasynda álemdik tilderdi ana tiline sóılete alatyn deńgeıge kóterildi. Bul pikirdi QazAqparat tilshisine jazýshy, aýdarmashy, belgili qoǵam qaıratkeri Keńes ıÝsýp Elbasynyń Ulytaýdaǵy suhbatyna oraı bildirdi.
«Meniń oıymsha, Elbasy o bastan tildi damytý jóninde durys baǵyt ustady. Bizdiń geosaıası jaǵdaıymyzǵa, geografııalyq ornalasýymyzǵa, halyqymyzdyń demografııasyna baılanysty elimizde táýelsizdik alǵan sátten bastap birden memlekettik tilde sóıleý múmkin emes bolatyn. Memlekettik tildi birtindep-birtindep, búginde úlken deńgeıge kóterdik dep aıta alamyn», - dedi ol.
Qalamgerdiń atap ótýinshe, Qazaqstan Kóshbasshysynyń tilge qatysty ustanǵan sol kezeńdegi saıasaty qazaq qoǵamy úshin túsiniksizdeý bolǵan. Al búginde ol saıasattyń durystyǵyn ómir dáleldep otyr.
«Sonyń nátıjesinde búginde bizdiń tilimiz ájeptáýir jetildi. Qazaq tili jańa deńgeıge kóterildi. Qazaq tili álemdik tilderdi óziniń ana tilinde sóılete alatyn tilge aınalyp keledi. Alla qalasa, ana tilimizdiń bolashaǵy, keleshegi zor dep oılaımyn», - dep túıindedi oıyn K.ıÝsýp.
