Elbasynyń ókilettigin uzartý jónindegi referendýmǵa Sýretshiler odaǵynyń músheleri qoldaý bildirdi
ALMATY. 15 qańtar. QazAqparat /Ádilet Musahaev/ - Óner qaıratkerleri, ıaǵnı sýretshiler de elimizde bolyp jatqan saıası mańyzdy jaıttardan tys qalǵylary kelmeıdi.
Osy turǵyda búgin Almatyda Sýretshiler odaǵynyń músheleri Elbasynyń ókilettigin 2020 jylǵa deıin uzartý jónindegi referendýmdy qoldaıtyndyqtaryn bildirip, ún qatty.
Qazaqstan Sýretshiler odaǵynyń tóraǵasy Ómirbek Baıtursynov elimizdiń sýretshileri árqashanda halyqpen birge bolý kerektigin jáne referendýmdy qoldaýǵa atsalysatyndyqtaryn jetkizdi. «Parlamentte ótken jıynnan keıin, biz zańdy túrde kóterilgen bastamaǵa qoldaý bildire alamyz», dedi ol.
Al Sýretshiler odaǵynyń múshesi, ónertaný ǵylymynyń kandıdaty Qurman Murataev: «Elimizdiń táýelsizdik alǵan 20 jyl kóleminde atqarǵan isteri, keshe ǵana kópten beri uıymdastyrylmaǵan EQYU Sammıtiniń elimizde ótkizilýi -bizdiń Prezıdentimizdiń arqasy», - dedi.
