Elbasynyń memleketimizdiń qalyptasýyndaǵy eńbegi orasan - Qýanysh Sultanov
ASTANA. QazAqparat - Qazaqstandy búkil álemniń moıyndaýynda Prezıdent Nursultan Nazarbaevtyń eńbegi zor. Bul týraly Májilistiń jalpy otyrysynan keıin tilshilerge bergen suhbatynda depýtat Qýanysh Sultanov málim etti, dep habarlaıdy QazAqparat.
«Ótken jyldyń qarasha aıynda bir top depýtat Deklaratsııa qabyldaýdy usynyp, osy qujatty Parlament palatalarynyń birlesken otyrysynda qabyldaǵan bolatynbyz. Sol usynystyń biri - áýejaıdy Elbasynyń atymen ataýǵa qatysty edi. Óıtkeni Nursultan Ábishulynyń halqymyz tarıhyndaǵy róli zor, sondaı-aq memleketimizdiń qýattanýynda, álemdik dárejede tanylýymyzda sińirgen eńbegi orasan. Sondyqtan Memleket basshysy kez kelgen qurmetke laıyqty. Eger bizdi qazir búkil álem tanyp, moıyndap jatsa - ol Nursultan Nazarbaevtyń memlekettik qyzmetiniń saýattylyǵy ári negizdiligi», - dep toqtaldy depýtat.
Osy oraıda Q. Sultanov Prezıdenttiń eren eńbegin eskere otyryp, elorda áýejaıyna N. Nazarbaev esimin berý qoldaý laıyq ári durys sheshim ekenin qadap aıtty.
Esterińizge sala keteıik, osyǵan deıin depýtat eldiń mańyzdy nysandaryn Elbasy esimimen ataýdy usynǵan edi. Budan buryn habarlanǵandaı, Astana áýejaıy «Nursultan Nazarbaev halyqaralyq áýejaıy» bolyp ataldy .
