Elbasynyń mártebesin naqtylaý maqsatynda usynylǵan zań jobasynda «QR saılaý týraly» zańyna da ózgerister engizý qarastyrylǵan

Bul týraly búgin QR Parlamenti Májilisiniń jalpy otyrysynda málim boldy, dep habarlaıdy QazAqparat.

«Zań jobasymen memlekettiń ishki jáne syrtqy saıasatynyń negizi baǵyttary boıynsha ázirlenetin bastamalardy QR Tuńǵysh Prezıdentimen - Ult Kóshbasshysymen kelisý qajettigi qarastyrylady. Sonymen qatar, Konstıtýtsııalyq zańnyń QR Tuńǵysh Prezıdentiniń - Ult Kóshbasshysynyń qyzmetterin qamtamasyz etý bóligine de naqtylanatyn normalar engizý usynylady. Osylaısha, «QR Tuńǵysh Prezıdenti - Ult Kóshbasshysy» mártebesi qazaqstandyq damý jolynyń beriktiginiń kepilin qamtamasyz etýge múmkindik beredi», dedi zań jobasyna bastamashy depýtattyń biri Ámzebek Jolshybekov.

Onyń aıtýynsha, osy maqsatta «Qazaqstan Respýblıkasyndaǵy saılaý týraly», «QR Prezıdenti týraly» zańdaryn «QR Tuńǵysh Prezıdenti týraly» Konstıtýtsııalyq zańǵa sáıkes keltirý maqsatynda ózgerister engiziledi.

«Qazaqstan Respýblıkasyndaǵy saılaý týraly» zańyna engiziletin ózgeris negizinen naqtylaý sıpatynda bolady, atap aıtqanda onda «Tuńǵysh Prezıdent» degen sóz «Tuńǵysh Prezıdent-Elbasy» dep anyqtap jazylady. Degenmen, bizdiki tek usynys», deıdi bastamashy depýtat R. Halmuradov.

Esterińizge sala keteıik, búgin zań jobasy Parlament Májilisiniń jumysyna alynǵan bolatyn. Jobaǵa maýsym aıynyń 25-ine deıin qorytyndy shyǵarylady.