Elbasynyń maqalasynda elimizdiń ıdeologııalyq jumystaryna asa mán berilgen - Marat Bashımov
ASTANA. QazAqparat - Búgin «Egemen Qazaqstan» gazetinde jaryq kórgen Qazaqstan Prezıdenti Nursultan Nazarbaevtyń «Bolashaqqa baǵdar: rýhanı jańǵyrý» atty maqalasynda elimizdiń ıdeologııalyq jumystaryna asa mán berilgen. Bul pikirdi belgili zańger Marat Bashımov bildirdi, dep habarlaıdy QazAqparat.
«Búgin «Egemen Qazaqstan» gazetinde jaryq kórgen maqalasynda Elbasy ıdeologııalyq jumystarǵa basa mán berip otyr. Jalpy, maqala mazmuny sońǵy ýaqytta elimizde júrgizilgen ekonomıkalyq, konstıtýtsııalyq, saıası reformalarmen tyǵyz baılanysta deýge tolyq negiz bar. ıAǵnı, bul máseleler ıdeologııalyq jumystarmen qatar júrýi tıis. Qazaqstandyqtardyń ulttyq sana-sezimin otansúıgishtigin, kóterý qajet», - dedi Bashımov.
Onyń atap ótýinshe, endigi ýaqytta qazaqstandyq otansúıgishtik máselesine basa mán berilýi tıis.
«Qazir aqparattyq tehnologııalar zamany. Internet, áleýmettik jelilerdi damytý bizdiń tanymymyzdy barynsha joǵary deńgeıge kóterýge qyzmet etýi qajet. El aldymen ózimizdiń quqyqtyq sana-sezimimizdi kóterýge tıispiz. Biz Ekonomıkalyq yntymaqtastyq jáne damý uıymynyń standarttaryna, álemniń damyǵan 30 eliniń qataryna qosylýǵa umtylýymyz kerek», - dedi tanymal zańger.
Degenmen, onyń atap ótýinshe, munyń barlyǵyna qol jetkizý úshin adamı kapıtaldy damytý qajet.
«Memlekettik tildi, qazaqstandyq otansúıgishtikti, óz Otanyńa degen súıispenshilikti damytý kerek. Latyn álipbıin búkil álem elderi qoldanady. Sondyqtan ony qoldanýymyz órkenıetti elderdiń standarttaryna memleketimizdi jaqyndata túsedi», - dedi Bashımov.
