Elbasynyń maqalasy óńirlik baǵdarlamalardy qalyptastyrýǵa sep boldy
Búgin Taldyqorǵandaǵy Dostyq úıinde ótken jıynda jetisýlyqtar osyndaı pikir bildirdi, dep habarlaıdy QazAqparat tilshisi.
Osy baǵytta oblystyq Qazaqstan halqy Assambleıasy jyl sońyna deıin 40-tan asa is-shara ótkizgeli otyr. Qazirdiń ózinde jelilik keste jasaldy. Aýqymdy marafondar men etno-festıvalder uıymdastyrylmaq. Bul jóninde Dostyq úıinde ótken etnomádenı ortalyq pen qoǵamdyq keńes jáne analar keńesi ókilderiniń basqosýynda aıtyldy. Іs-sharalardyń deni ulttar mádenıetin, tilin, salt-dástúrin saqtaýǵa negizdelgen. Taǵy bir basty baǵyty - týǵan óńirdiń tarıhyn tanytý, - deıdi uıymdastyrýshylar. Osy oraıda, "Almaty oblysynyń 100 tanymal tulǵasy, 100 belsendi jas" sekildi birneshe joba iske asady.
Esterińizge sala keteıik, búgin elimizdiń barlyq óńirlerindegi Dostyq úılerinde bir mezgilde Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn túsindirý, nasıhattaý jáne ony júzege asyrýdyń tetikterin talqylaý maqsatynda kezdesý ótti.
