Elbasynyń maqalasy óner adamdarynyń jigerin qamshylaı tústi - Jeńis Seıdollauly

ASTANA. QazAqparat - «Elbasynyń maqalasy bizderdi, óner adamdaryn shabyttandyryp, jigerimizdi taǵy da qamshylaı tústi». Mundaı oıdy Qazaqstan Respýblıkasynyń Tuńǵysh Prezıdenti - Elbasy Nursultan Ábishuly Nazarbaevtyń «Bolashaqqa baǵdar - rýhanı jańǵyrý» atty maqalasyna bildirgen pikirinde QR Eńbek sińirgen qaıratkeri Jeńis Seıdollauly aıtady.   

«Halyqtyń senimin arqalaǵan Elbasymen birge 25 jyldy abyroımen eńserip, erteńge de úlken úmitpen qaraımyz. Prezıdenttiń árbir jańa bastamasy bizderdi bolashaqqa nyq senimmen jeteleı túsýde. Jambyl atyndaǵy qazaq memlekettik fılarmonııasy - el erteńi men urpaqtar sabaqtastyǵy úshin jasalar ıgi isterge atsalysýǵa árqashan ázir. Elbasynyń bolashaqqa baǵdary, ulttyń rýhanı jańǵyrýy týraly maqalasy bizderdi, óner adamdaryn shabyttandyryp, jigerimizdi taǵy da qamshylaı tústi», - deıdi Jeńis Seıdollauly.

Sondaı-aq, ol jańǵyrý jónindegi osynaý usynystardyń mańyzyn tereń túsine otyryp, Nursultan Ábishuly Nazarbaevtyń XXI ǵasyrdaǵy jahandyq úrdisterge saı ómir súrý úshin zaman aǵymyna beıimdele otyryp ózgerý men damýǵa degen bastamasyna biraýyzdan qoldaý bildiretindigin málim etti.