Elbasynyń kórermenge belgisiz qyrlaryn ashatyn kópserııaly derekti fılm kórsetiledi

NUR-SULTAN. QazAqparat - 1 jeltoqsan kúni saǵat 21:40-ta «Habar» telearnasynda jýrnalıst Aıgúl Ádilovanyń «Portrettiń shtrıhtary» derekti fılminiń birinshi serııasynyń premerasy ótedi, dep habarlaıdy QazAqparat QR Tuńǵysh Prezıdenti – Elbasynyń baspasóz qyzmetine silteme jasap.

Atalmysh fılm Elbasynyń baspasóz qyzmeti men Nursultan Nazarbaev qorynyń qoldaýymen shyǵyp otyr.

«Portrettiń shtrıhtary» – Nursultan Nazarbaevtyń ómiri men qyzmetine arnalǵan, Qazaqstannyń Tuńǵysh Prezıdenti tulǵasynyń buryn kórermenge belgisiz bolyp kelgen qyrlaryn ashatyn kópserııaly derekti fılm. Elbasynyń eksklıýzıvti suhbaty negizinde jasalǵan», delingen habarlamada.