Elbasynyń qolynan leıtenanttyq pogondar alý sarbaz úshin asa úlken qurmet - áskerı-ınjenerlik ınstıtýt túlegi A.Birálın
«QR QK Joǵarǵy Bas Qolbasshysy - QR Prezıdenti Nursultan Nazarbaevtyń qolynan Qurlyq áskerleriniń Áskerı ınstıtýty men Radıoelektronıka jáne baılanys Áskerı-ınjenerlik ınstıtýtynyń túlekteri Rátbek Murat, Aıdar Nazarbekov, Abylaı Birálın jáne Mırhatbek Smaıylov leıtenanttyq ıyqbelgiler aldy. Búginnen bastap olar úlken ómirge qadam basyp, ofıtserlik mansapty bastady jáne qazaqstandyq armııa ofıtseri joǵary ataǵyn namyspen atqaryp, Otanymyzdyń laıyqty qorǵaýshylary bolady», - delingen QR Qorǵanys mınıstrliginiń málimetinde.
«Bul ataýly kún máńgi esimizde qalady jáne biz úshin ári qaraı qyzmet atqarý sımvoly bolady. Elbasynyń qolynan leıtenanttyq pogondardy alý qurmeti berilgeni úshin bizge júktelgen mindetti abyroımen atqarýǵa jáne Otandy qorǵaý senimin aqtaý úshin barlyq kúsh-jigerimizdi salýǵa ýáde beremiz», - dedi Radıoelektronıka jáne baılanys áskerı-ınjenerlik ınstıtýtynyń túlegi A.Birálın.
Aıta keteıik, elorda kúni qarsańynda elimizdiń áskerı joǵary oqý oryndarynyń úzdik túlekterin madaqtaý dástúri 2009 jyly bastalǵan. Qazirgi ýaqytta bul ofıtserler armııamyzdy nyǵaıtý isine súbeli úlesterin qosa otyryp, Qorǵanys mınıstrliginiń ártúrli áskerı bólimshelerinde qyzmet ótkerip júr. Rásimniń jalǵasy kezinde QR Qorǵanys mınıstri Imanǵalı Tasmaǵambetov 13 úzdik túlekke pogon tabys etti. Osy jyly mundaı tabys etý rásimi alǵash ret ótkizildi. QR Qorǵanys mınıstriniń qolynan pogondardy qazaqstandyq áskerı oqý oryndary Qurlyq áskerleriniń Áskerı ınstıtýty, Radıoelektronıka jáne baılanys áskerı-ınjenerlik ınstıtýty, QR QM Kadet korpýsynyń túlekterimen qatar, shetel áskerı oqý oryndaryn bitirýshileri aldy. Eske salaıyq, bıylǵy jyly QR Qarýly Kúshterin shetel áskerı oqý oryndarynyń bitirýshi áskerı qyzmetshileri tolyqtyrdy. Qazaqstandyq kýrsanttardyń shetelde oqyp bilim alýy QR Qarýly Kúshteriniń qurylý kezinen júrgizilip jatqanyn atap ótken jón. Sońǵy úsh jyl ishinde sheteldik áskerı oqý oryndaryn 400 kýrsant támamdady, onyń ishinde 2013 jyly - 66, 2014-te - 226, 2015-te 90 adam. Bul rette ózge eldiń 150 áskerı qyzmetshisi Qazaqstannyń áskerı oqý oryndarynda bilim alýda.