Elbasynyń qoldaýymen qazaq kınosy Ortalyq Azııa keńistiginde kóshbasshyǵa aınaldy - VII halyqaralyq «Eýrazııa» kınofestıvali
ALMATY. 20 qyrkúıek. QazAqparat /Názıra Eleýhan/ - Qazaqstan kınemotografııasyna erekshe qoldaý kórsetip kele jatqan Qazaqstan Respýblıkasynyń Tuńǵysh Prezıdenti N.Á.Nazarbaevtyń aıryqsha qoldaýynyń arqasynda, qazaq kınosy alys-jaqyn shetelderde tanylyp, Ortalyq Azııa keńistiginde kóshbasshyǵa aınaldy.
Bul týraly keshe keshkisin Almatyda bastaý alǵan VII halyqaralyq "Eýrazııa» kınofestıvaliniń ashylý saltanatynda atap ótildi.
«Shyn máninde qazaq dalasy Eýropa men Azııa atty qurlyqtyń arasyn jalǵastyryp jatqan úlken memleket. Bul bes Frantsııa nemese búkil Batys Eýropa eli erkin sııatyn, batys pen shyǵys mádenıetiniń arasyn jalǵastyryp jatqan - «altyn kópir». Sondyqtan bizdiń ónerimiz de osyǵan sáıkes...», dep atap ótti QR Mádenıet mınıstri Muhtar Qul-Muhammed kınofestıvaldiń ashylý saltanatynda.
Shara barysynda: «Búginde qarqyndy damyǵan qazaq kınosy álemdik kınolarǵa qoıan-qoltyq aralasa bastady. Sonyń nátıjesinde, birlesken jobalar kóbeıdi. Jyldan -jylǵa sharaǵa degen qoldaýdyń arqasynda kınofestıval - naǵyz halyqtyq merekege aınalýda»,-dep atap ótildi.
«El táýelsizdiginiń 20 jyldyǵy mereıtoıy qarsańynda ótip jatqan festıvalde kórsetiletin otanshyldyq rýhqa toly kınotýyndylarymyz árbir kórermenge tamasha tartý bolary sózsiz»,-deıdi sharanyń uıymdastyrýshylary.
