Elbasynyń Qazaqstanda shyǵarylǵan taýarlardy, ónimderdi satyp alý ıdeıasyn búkil qazaqstandyqtar qoldaıdy - N.Sabılıanov

ASTANA. QazAqpart - Elbasynyń Qazaqstanda shyǵarylǵan taýarlardy, ónimderdi satyp alý ıdeıasyn búkil qazaqstandyqtar qoldaıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Parlamenti Májilisiniń depýtaty Nurtaı Sabılıanov aıtty.

«Qazaqstanda shyǵarylǵan taýarlardy, ónimderdi satyp alý ıdeıasyn búkil qazaqstandyqtar qoldaıdy. Óıtkeni, bul - ózimizdiń elge, qoǵamǵa salynǵan ınvestıtsııa. Árbir adam elimizde shyǵarylǵan taýarlardy satyp alatyn bolsa, onda bul kásipkerlikke, óndiriske qoldaý dep oılaımyn», - dedi N.Sabılıanov.

Sonymen qatar ol BAQ ókiliniń saýalyna oraı depýtattarda kásipkerlerdi ne bolmasa dúkenderdi, saýda ortalyqtaryn tekserý quqyǵy joq ekendigin atap ótti.

«Degenmen de biz depýtat retinde halyqtyń ortasynda bolamyz. Dúkenderdi sizdermen birge aralap kórýge daıynbyz. Óndiris oryndaryna da baryp, jaǵdaılaryn kóreıik. Eger qandaı da bir qıyndyqtar, kedergiler bolsa, olardyń sheshilýine de atsalysamyz», - dedi depýtat.

N.Sabılıanov Qazaqstan kásipkerleri energııa resýrsyna jáne kóptegen qosalqy bólshekterge baǵanyń arzandaýyna baılanysty óz kásiporyndaryn damytýǵa basa nazar aýdarǵany jón ekendigin eskerte kele: «Básekege qabiletti taýar, ónim shyǵaratyn bolsa bárimiz de alamyz», - dedi.