Elbasynyń kásibı bilim alýǵa erekshe mán berip otyrǵany beker emes - G.Minajadınova
QYZYLORDA. 13 sáýir. QazAqparat /Jańagúl Serdaly/ - Qyzylordadaǵy I. Ábdikárimov atyndaǵy agrarlyq tehnıkalyq kolledjdiń oqytýshysy Gúljahan Minajadınova Elbasynyń halyqqa arnaǵan bıylǵy jylǵy Joldaýyna baılanysty osylaı dedi.
Ol bul oıyn bylaı tarqatyp aıtty:
- Qazirgi tańda elim degen ár azamatqa taǵdyrdyń tartqan syıy - Táýelsizdik. Ǵasyrlar boıy ańsap kelgen, endi ǵana qol jetkizgen memlekettik Táýelsizdikti aldaǵy kezde qalaı ustap turamyz? Ony nyǵaıtyp bolashaq bosaǵasyn bekite túsý úshin árbir maman ıesi el aldyndaǵy parasatty paryzyn úlken júrektilikpen sezinýi abzal. Elimizdiń keleshegi, memleketimizdiń berik tuǵyry bolatyn jastarǵa jarqyn bolashaq úshin jasampazdyqtyń úlgisin kórseter Elbasynyń kóregen saıasaty naqty baǵdar bolýda. Onyń bir dáleli Qazaqstan Respýblıkasy Prezıdenti Nursultan Nazarbaevtyń Qazaqstan halqyna arnalǵan Joldaýy jıyrma jyldyq tarıhymyzdy sholýmen qatar, aldaǵy 10 jyldyǵymyzǵa ustanar maqsat, naqty mindetter qoıdy. «Biz bolashaqty birge jasaımyz» degen taqyryppen Qazaqstan halqyn patrıottyq sezimge bóledi. «Biz bilim berýdi jańǵyrtýdy odan ári jalǵastyrýǵa tıispiz, deı kele kásiptik jáne tehnıkalyq bilim berýdiń mazmunyn tolyq jańǵyrtpaq nıettemiz», - dep atap ótti.
Sondaı-aq Elbasy Joldaýynda kásiptik tehnıkalyq kadrlar daıyndaý barysynda da aldaǵy ýaqytta memleket qamqorlyǵymen tyń jobalar júzege asyrylýy tıis», - dep kórsetti. Elimizde Qazaqstan Respýblıkasynyń barlyq zań aktileri qazaqstandyqtardyń ósip-órkendeýine kepildik beredi. Qazaqstan Respýblıkasynda bilim berýdi damytýdyń 2011-2020 jyldarǵa arnalǵan memlekettik baǵdarlamasy ekonomıkalyq ornyqty damýy úshin sapaly bilim qoljetimdiligin qamtamasyz etý, bilimniń básekege qabilettiligin arttyrý qajettiligi aıqyndalǵan. Jastardyń boıynda belsendi azamattyq ustanymdy, áleýmettik jaýapkershilikti, otansúıgishtik sezimdi, joǵary adamgershilik jáne kóshbasshylyq qasıetterdi qalyptastyrýmen qatar óz mamandyǵynyń kásibı sheberi bolýǵa baǵyttaý búgingi kúnniń enshisinde. Kásiptik bilim berý - búgingi kún talaby. «Elińe qajet kásip et, kásibińdi násip et», degen danalyq uǵymdy esten shyǵarmaǵan oryndy.
2010 jylǵy statıstıkalyq derek boıynsha Qazaqstanda tehnıkalyq jáne kásiptik bilim beretin 480 kolledj bolsa, sonyń biri irgeli bilim ordasy - Isataı Ábdikárimov atyndaǵy Qyzylorda agrarlyq tehnıkalyq kolledji. Qazirgi tańda 80 jyldan astam tarıhy bar bilimniń ordasy kolledjdiń kúndizgi jáne syrttaı oqý bólimderinde 25 mamandyq boıynsha 3500-den astam jas bilim alyp, bilikti maman ıesi atanady. Kásibı maman daıyndaýda oqý tájirıbelerin ótkizetin mekemelermen tyǵyz baılanys jasalýda. Kelisim-shart jasalý arqyly oqýshylardyń kásibı sheberligin shyńdaý, olardyń mamandyqtaryna qaraı arnaýly mekemelerge jiberilip, mamandar saraptamasynan ótip otyrady. Árbir ustaz búgingi kún talabyndaǵy bilimge negizdelgen básekelestik arqyly joǵarǵy nátıjege jetý úshin jańa tehnologııalardy qoldana otyryp, kásiptik-tehnıkalyq bilim berýdi jańǵyrtýǵa kúsh salyp keledi. Kolledjimizde oqytýshylardyń kásiptik bilimin arttyrýǵa negizdelip, bilim sapasyn attestattaý jumystary júrgizilip otyrady. Elimizdi jańǵyrtýdyń qozǵaýshy kúshi - jastar. Jańǵyrtý strategııasy - jastardyń iskerligi, bastamashylyǵy men qýatyna negizdeledi. Elbasy halyq aldyna órshil de ómirsheń mindetter qoıdy, qol jeter maqsattardy belgiledi. Ómirden óz qajettiligin adaspaı tabý, kásibin tereń meńgergen maman ıesi bolý, bilimdi biliktilikke qol jetkizý - jastar enshisinde.
