Elbasynyń qan materıalynan koronavırýsqa qarsy vaktsına ázirlenip jatqany – feık

NUR-SULTAN. QazAqparat - Nursultan Nazarbaevtyń qan materıalynan koronavırýs ınfektsııasyna qarsy vaktsına ázirlenip jatqandyǵy týraly aqparat shyndyqqa janaspaıdy. Bul týraly coronavirus2020 Telegram-kanalynda málim etildi, dep habarlaıdy QazAqparat tilshisi.

«Ókiletti organdarǵa Qazaqstan Respýblıkasy zańnamasynyń buzylýyna tekseris júrgizý jáne onyń odan ary taralýyna jol bermeýdiń túbegeıli sharalaryn qabyldaý úshin atalmysh materıalǵa tıisti saraptama júrgizý tapsyryldy. Azamattardan áleýmettik jeliler men ınternet jelisindegi senimsiz aqparattarǵa yryq bermeýge jáne resmı derekkózderge senýge shaqyramyz. Sonymen qatar qasaqana jalǵan aqparat taratqany úshin azamattar QR QK 274-babyna sáıkes qylmystyq jaýapkershilikke tartylýy múmkin ekendigin eskertemiz», - delingen QR Aqparat jáne qoǵamdyq damý mınıstrliginiń aqparatynda.