Elbasynyń halyqqa Joldaýy Táýelsiz el damýynyń aıqyndamasy - professor

Joldaý memleketimizdiń, elimizdiń damýynyń joldaryn jan -jaqty aıqyndaǵan, aldaǵy jarqyn maqsattarymyzdy tereń aıshyqtap bergen kóregendik jolbasshylyǵymen erekshelenedi. Bul jaıynda ál-Farabı atyndaǵy Qazaq ulttyq ýnıversıteti qazaq ádebıeti kafedrasynyń meńgerýshisi, fılologııa ǵylymdarynyń doktory, professor Ómirhan Ábdimanov QazAqparat tilshisine pikirin bildirý kezinde aıtty.

Ó.Ábdimanov Joldaýdaǵy «Ekonomıkany kóterýdiń negizgi maqsaty - halyqtyń ál-qýatyn arttyrý» degen tujyrymy el ekonomıkasyn kóterýge bar kemeńgerlik kemel oılary men kúsh-jigerin jumsaǵan uly qaıratkerdiń júrekten shyqqan shyndyqty syry ekendigin aıtady. «Prezıdent sóziniń aqıqatyn memleketimizdiń jyl sanap órkendi ózgeristerge jetip otyrǵandyǵy dáleldep otyr. Shyndyǵyn aıtsaq, Elbasynyń ótken jyldardaǵy elimizdi tyǵyryqtan shyǵarýdyń joldary men qaı salaǵa erekshe kóńil bólý kerektigin naqty aıqyndaýynyń nátıjesinde qıyn kezeńnen qınalmaı ótip, táýelsizdiktiń jıyrma jyldyǵyna qadam basqan jańa kezeńde halyqtyń áleýmettik-ekonomıkalyq jaǵdaıy jaqsara túskendigine Respýblıkamyzdyń árbir azamaty kýá», -deıdi professor.

«Prezıdent joldaýy Qazaqstan halqynyń bolashaqqa degen senimin arttyryp, memleket táýelsizdigin aıǵaqtaı túsken, eldi birlik men yntymaqtastyqqa shaqyrǵan Joldaý boldy dep bilemin. Prezıdenttiń búgingi Qazaqstandyq joǵary mekteptiń jańa sapaly damý jolyna qatysty aıtqan oılary, sóz joq osy salanyń árbir qyzmetkeriniń kókeıinen shyqty dep bilemin. Elbasynyń joǵary mekteptiń zamana talabyna saı jańa úlgidegi ınnovatsııalyq modeli Nazarbaev ýnıversıteti bolyp tabylatyndyǵy, barlyq joǵary oqý oryndarynyń soǵan qarap kósh túzeý kerektigine qatysty talaptary jalpy bilim berýdiń jańa dáýiri bastalǵandyǵynyń aıǵaǵy der edim», -deıdi Ómirhan Ábdimanov.

Sondaı-aq ol Elbasynyń búgingi kúndegi ǵylymı dárejelerdi qorǵaý júıesin synǵa alýy - ómir tájirıbesi kórsetip otyrǵan shyndyq ekenin aıtady. «Ǵylym kandıdaty dárejesin qorǵaǵandardyń 66-dan bireýiniń, ǵylym doktory dárejesin qorǵaǵandardyń 37-den bireýiniń ǵylymǵa baratyndyǵy, ǵylymǵa esh qatysy joq adamdardyń ataq-dańq alyp jatqany jasyryn jaıt emes. Bul jaǵdaıdyń ǵylymdy, ǵylymı izdenisterdi keıin tartary ras. Sondyqtan da bul sala jańa ózgeristerdi kópten kútýli bolatyn. Onyń búgin óz sheshimin tapqandyǵy shyndyq», -dep atap ótti óz sózinde professor.

Professor Elbasynyń halyqqa arnaǵan Joldaýy bizdiń keleshek kúnderimizge, urpaq bolashaǵyna degen senimimizdi ornyqtyra túsip, táýelsiz eldi jańa tabystarǵa jetý jolyndaǵy birlikti tirlikke jumyldyra alǵandyǵyn da aıtyp ótti.