Elbasynyń eldegi ulttyq kompanııalardaǵy kadr saıasatyn retteýge qatysty tapsyrmalary negizinde arnaıy tujyrymdama daıyndalýda - Q.Kelimbetov
ASTANA. Aqpannyń 18-i. QazAqparat /Aıdar Ospanalıev/ - Elbasynyń eldegi ulttyq kompanııalardaǵy kadr saıasatyn retteýge qatysty tapsyrmalary negizinde arnaıy tujyrymdama daıyndalýda.
Bul týraly búgin atalmysh qordyń Basqarma tóraǵasy Qaırat Kelimbetov Astanada «Adam resýrstaryn basqarý: ótkendi qorytyndylaý jáne bolashaq perpektıvalar» atty taqyrypta ótip jatqan V halyqaralyq konferentsııa barysynda málim etti, dep habarlaıdy QazAqparat.
Onyń aıtýynsha, Memleket basshysynyń memlekettik organdar men «QazMunaıGaz» sııaqty ulttyq kompanııalardaǵy kadr saıasatyna qatysty aldyǵa qoıǵan mindetterdi júzege asyrý maqsatynda elde arnaıy jumys toby qurylǵan. Qazirgi tańda atalmysh top ókilderi eldegi ulttyq kompanııalardaǵy kadr saıasatyna qatysty máselege arnaıy taldaý júrgizýde. «Jumys tobynyń ókilderi osy taldaýlar negizinde tıisti sheshimder shyǵarmaq. Naqtyraq aıtqanda, olar
ulttyq kompanııalardyń birqatar basshylarynyń jaýapkershiligi máselelerine qatysty tıisti sheshim qabyldap, kompanııalardyń kadr tańdaý júıesin jetildirýge kúsh salady», dedi Q.Kelimbetov.
