Elbasynyń dástúrli Joldaýyn 1996 jyldan beri úzbeı tyńdap kele jatyrmyn - QazUAÝ professory
ALMATY. 27 qańtar. QazAqparat /Erlik Erjanuly/ - "QR Prezıdenti bıylǵy jylǵy halyqqa Joldaýynda eldiń aldynda turǵan maqsat-mindetterdi barlyq sandar men dálelderdi keltire otyryp aıtyp shyqty.
Bul sózderdiń bári Nursulan Ábishulynyń óz júreginen shyǵyp, úlken tolǵanystan týǵanyna aıǵaq bola alady». Almatydaǵy Qazaq ulttyq agrarlyq ýnıversıtetiniń professory, aýyl sharýyshylyǵy ǵylymynyń doktory Amangeldi Apýshev Elbasynyń Parlamenttiń birlesken otyrysynda jarııalanǵan Elbasynyń Joldaýynan keıingi áserimen bólisý kezinde osylaı aıtty.
«Bul Joldaý eń aldymen halyqtyń áleýmettik jaǵdaıyn jańa bir joǵary deńgeıge kóterýge baǵyttalyp otyr. Osy mejeni N. Ábishuly maqsat-mindetterge jetý joldarynyń 10 basym baǵytynda jan-jaqty aıtyp ótti. Men QR Prezıdentiniń Qazaqstan halqyna arnalǵan Joldaýyn 1996 jyldan beri úzbeı tyńdap kele jatyrmyn. Bul joly Nursultan Nazarbaev ony qaǵazǵa qaramastan aıtyp shyqqany meni qatty qaıran qaldyrdy», - deıdi Amangeldi Qaıyrbekuly. Ǵalymnyń paıymdaýynsha, onda mindetterdiń bári aıqyndalyp, halyqqa jaq-jaqty túsindirildi. Úkimetke júktelgen tapsyrmalar túgeldeı oryndalatyn bolsa, ol elimizdi damýdyń jańa satysyna kóterýge jol asharyna barlyq múmkindik bar.
