Elbasynyń bul Joldaýy halyqty uly isterge jumyldyryp, joǵary tıimdilikke qol jetkizýge úndeıdi - Eýropa rektorlar klýbynyń múshesi
ALMATY. Qańtardyń 29-y. QazAqparat /Erlik Erjanuly/ - Búgin Almatydaǵy Eýrazııa naryq ınstıýtynyń oqytýshylar quramy men stýdentteri Elbasynyń Parlament palatalarynyń birlesken otyrysynda Qazaqstan halqyna joldaǵan kezekti Joldaýyn kórip, talqylaý jasady,
dep habarlaıdy QazAqparat.
"Elbasyǵa Almaty oblysy Raıymbek aýdanynan hat joldaǵan azamattyń pikirine men tolyǵymen qosylamyn. Buǵan deıin biz EQYU-nyń esiginen syǵalap ta qaraı almaıtyn bolsaq, qazir onyń tórine shyqtyq degen sózi óte jaqsy aıtylǵan. Búgingi basqosýdaǵy talqylaý kezinde men onyń mán-mazmunyn barlyq jastarǵa tolyq uǵyndyrý qajet ekenin aıttym", deıdi Eýrazııa naryq ınstıtýtynyń rektory, halyqaralyq "Eýropalyq sapa" nagradasynyń jáne "Platınaly Tarlan" syılyǵynyń laýreaty, "Eýropa rektorlar klýbynyń" (Oksford) múshesi, akademık Aıtqalı Nurseıit. Onyń aıtýynsha, Úkimettiń álemdik qarjy daǵdarysynyń saldaryn joıýǵa qatysty áreketi óz nátıjesin berdi. Burynǵy keńestik respýblıkalardyń ishinde Qazaqstan odan eń aldymen shyǵyp, turaqty damýǵa beıimdelip kele jatyr. Prezıdenttiń Qazaqstan halqyna arnaǵan dástúrli bul Joldaýy áleýmettik, ekonomıkalyq, saıası negizdemeniń negizgi baǵyttaryn kórsetip otyr.
