Elbasynyń bul reformasy kóp uzamaı óziniń jemisin beredi - Saıyn Borbasov, saıasattanýshy
ASTANA. QazAqparat - "Qandaı da bolsyn, ákimshilik reformalardyń barlyǵy eńbek ónimdiligin arttyrý úshin jasalady". Saıasattanýshy Saıyn Borbasovtyń osyndaı pikiri «Aıqyn» respýblıkalyq qoǵamdyq-saıası gazetiniń búgingi sanynda jarııalandy.
- Ras, bizde kez kelgen salada basy artyq qurylymdar kóp. Solardyń kóbi naqty eshqandaı tirlikpen aınalysyp jatqan joq.
Bylaısha aıtqanda, «daıyn asqa - tik qasyq» bolyp otyrǵan «aramtamaq». Elbasy durys aıtady, bir bólmede on adam otyrsa, sonyń ekeýi tyrmysyp jumys isteıdi de, qalǵan segizi sol ekeýiniń arqasynda kún kóredi. Bulaı bolýǵa tıis emes. Jumys ornynda tek bilikti mamandar otyrǵany jón.
Osynyń bárin tarazyǵa salǵan Prezıdent durys qadam jasady. Basy artyq dúnıeni qysqarta otyryp, qanshama qarjyny únemdeýge, tek kásipqoı mamandardy qaldyra otyryp, jumys qarqynyn arttyrýǵa bolatynyn kórsetti.
Bul reforma kóp uzamaı óziniń jemisin beredi dep oılaımyn, - deıdi saıasattanýshy óz sózinde.
