Elbasynyń bolashaqqa senimdi kózqarasy Qazaqstannyń búgingi dárejege jetýine yqpal etti
ALMATY. Naýryzdyń 16-sy. QazAqparat /Erbol Azanbek/ - Búgin Almatydaǵy QR Tuńǵysh Prezıdenti qory janyndaǵy Álemdik ekonomıka jáne saıasat ınstıtýtynyń uıymdastyrýymen «Prezıdent N.Nazarbaevtyń táýelsiz Qazaqstan ekonomıkasynyń qalyptasýy men damýyndaǵy róli» atty kezdesý ótti,
dep habarlaıdy QazAqparat.
Kezdesýge ekonomıst, Qazaqstan qarjygerleri qaýymdastyǵy keńesiniń qurmetti tóraǵasy Dáýlet Sembaev qatysty. Belgili qarjyger kezdesýde Qazaqstannyń táýelsizdik alý kezeńindegi ekonomıkasy, júzege asyrylǵan reformalar, jańa ekonomıkalyq qatynastar, bank sektoryn qurý, teńgeniń paıda bolýy, Elbasynyń osy kezeńdegi jumysy týraly estelikterimen bólisti. «Táýelsizdiktiń alǵashqy jyldarynda ınflatsııa óte joǵary, mekemelerdegi jumystar toqyrap, jumyssyzdyq jaılaǵan kezeń boldy. Osy kezde 15,5 mıllıon adamnyń taǵdyryn óz moınyna alyp, jańa memleket qurǵan Elbasynyń eńbegi úlken erlik», dedi óz sózinde D.Sembaev. Kezdesýde belgili qarjyger stýdentterdiń suraqtaryna jaýap berip, qazirgi qarjy júıesi, Kedendik odaq máseleleri boıynsha pikirin bildirdi.
Esterińizge sala keteıik, QR Tuńǵysh Prezıdenti qory janyndaǵy Álemdik ekonomıka jáne saıasat ınstıtýty táýelsiz Qazaqstannyń qalyptasýy men áleýmettik-ekonomıkalyq damýyndaǵy N.Nazarbaevtyń rólin baıandaýǵa baǵyttalǵan dárister, kezdesýler uıymdastyryp keledi. Búgingi kezdesý sol sharanyń jalǵasy retinde ótkizildi.
