Elbasynyń bolashaqqa degen 20 jyl burynǵy táýekeli sózsiz aqtaldy – B. Baıbek

ASTANA. 29 qarasha. QazAqparat – Elbasynyń bolashaqqa degen 20 jyl burynǵy táýekeli sózsiz aqtaldy. Búgin Astanada QR Prezıdenti N. Nazarbaevtyń qatysýymen ótip jatqan «Bolashaq» halyqaralyq stıpendııasynyń mereıtoılyq forýmynda «Bolashaq» halyqaralyq stıpendııasy qaýymdastyǵy keńesiniń tóraǵasy Baýyrjan Baıbek osylaı málim etti.

«Búgingi otyrysta jastardyń úsh býyny otyr. Olardyń aldyńǵy tolqyny qamal alar qyryqqa kelse, keıingi tolqyny - orda buzar otyzda. Sondyqtan da, úsh býynnyń basyn qosqan «Bolashaq» baǵdarlamasynyń 20 jyldyń mereıtoıymen quttyqtaımyn», - dedi jıyn barysynda B. Baıbek. Budan bólek, osydan 20 jyl burynǵy jaǵdaıǵa toqtalǵan qaýymdastyq tóraǵasy osy aýqymdy mıssııadaǵy Elbasynyń eren eńbegine toqtaldy. «Júıesi áli qalyptasyp bekimegen memleket eskiniń shylaýyndaǵy psıhologııaǵa qaramastan, eldiń sabyryna, aqsaqaldyń aqylyna, jastyń jalynyna súıendińiz. Úırete júrip, úırendińiz, úırene júrip úırettińiz. Sóıtip, ulttyń ustazyna, alashtyń aqylmanyna aınaldyńyz. Sheteldiń eń úzdik oqý oryndaryna jastardy jiberý týraly bastama kóterdińiz. Nanǵa zar bolyp jatqan 1993 jyly «bul qalaı?» deýshiler boldy. Sizdiń kókeıdegi arman jarqyn bolashaq edi. Endeshe, bolashaqtyń kilti jastar ekenin Siz tanydyńyz», - deı kele B. Baıbek bul baǵdarlamaǵa kúmán keltirgender az bolmaǵanyn da alǵa tartty. «Táýekel aqtaldy. Oǵan barshamyz kýámiz», - dedi ol.