Elbasynyń «Bolashaqqa baǵdar: rýhanı jańǵyrý» maqalasy túrik tiline aýdaryldy

Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasy «Egemen Qazaqstan» respýblıkalyq gazetinde jarııalanǵan bolatyn .

Memleket basshysy maqala kirispesinde Qazaqstan úshinshi jańǵyrý kezeńine aıaq basqanyn atap ótti.  Osylaısha, elimiz qaıta túleýdiń aıryqsha mańyz­dy eki protsesi - saıası reforma men eko­nomı­kalyq jańǵyrýdy qolǵa alyp otyr.

Maqsat - álemdegi eń damyǵan 30 eldiń qataryna qosylý.

«Rýhanı jańǵyrý tek búgin bastalatyn jumys emes. Biz Táýelsizdik kezeńinde bul baǵytta birneshe aýqymdy is atqardyq. 2004 jyly «Mádenı mura» baǵdarlamasy aıasynda Qazaqstan aýmaǵyndaǵy tarıhı-mádenı eskertkishter men nysandardy jańǵyrttyq. 2013 jyly «Halyq - tarıh tolqynynda» baǵ­darlamasy arqyly álemniń eń beldi arhıvterinen tól tarıhymyzǵa qatysty qujattardy júıeli túrde jınap, zerttedik.

Endi osynyń bárinen de aýqymdy jáne irgeli jumystardy bastaǵaly otyrmyz», - dedi N.Nazarbaev.

Sondaı-aq Elbasy qazirgi tańda jeke adam ǵana emes, tutas halyq­tyń ózi básekelik qabiletin arttyrsa ǵana ta­bys­qa jetetinin qadap aıtty.

Bolashaqta ulttyń tabysty bolýy onyń tabıǵı baılyǵymen emes, adamdarynyń básekelik qa­bi­letimen aıqyndalady. Sondyqtan, árbir qazaqstandyq, sol arqyly tutas ult HHІ ǵasyrǵa laıyqty qasıetterge ıe bolýy kerek. Mysaly,  kom­pıýterlik saýattylyq, shet tilderin bilý, má­denı ashyqtyq sııaqty faktorlar árkimniń alǵa basýyna sózsiz qajetti alǵysharttardyń sana­tynda. Sol sebepti, «Tsıfrly Qazaqstan», «Úsh tilde bilim berý», «Mádenı jáne konfessııaaralyq kelisim» sııaqty baǵdarlamalar - ultymyzdy, ıaǵnı barsha qazaqstandyqtardy HHІ ǵasyrdyń talaptaryna daıarlaýdyń qamy», - dep atap ótti.

Eske salaıyq,  ústimizdegi sáýir aıynyń basynda Memleket basshysynyń Jarlyǵymen Qazaqstan Respýblıkasynyń Túrik Respýblıkasyndaǵy Tótenshe jáne Ókiletti Elshisi bolyp Abzal Saparbekuly  taǵaıyndaldy.