Elbasynyń bıylǵy Joldaýynyń negizi - adam máselesi - EUÝ-niń dotsenti B.Ábdýálıuly

Prezıdent N.Nazarbaevtyń jyl saıynǵy Qazaqstan halqyna Joldaýynda negizinen adam máselesiniń kóterilýi osyndaı bir fılosofııalyq tolǵamǵa jeteleıdi. Bul pikirdi L.Gýmılev atyndaǵy Eýrazııa ulttyq ýnıversıtetiniń dotsenti Bekjan Ábdýálıuly bildirdi.

Álemniń damý qarqyny jyldan-jylǵa artyp, búgingi kún talaby sol kóshtiń basynda bolýdy, tym bolmasa ilesip otyrýdy mindetteıdi. Bul ótken zamandardan búginge deıin jalǵasyp kele jatqan ómirdiń negizgi sharty. Adamzattyń júrip kelgen tarıhyna kóz salsaq, jańa bir ımperııalar men órkenıetterdiń paıda bolýy, tozýy, kúıreýi sekildi uly ózgeristerdi kóremiz. Sol ózgeristerdiń, búgingi urpaq sabaq alýǵa tıis ózindik tarıhı sebepteri bar. «Osyǵan oraı Elbasy «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty bıylǵy Joldaýynda da «Adam - eldiń basty baılyǵy» dep Qazaqstan halqynyń bilimine, densaýlyǵyna, «Ardagerlerge qamqorlyq», «Turǵyn úı-kommýnaldyq sektor salasyndaǵy saıasatqa» arnaıy toqtaldy. Bul atalǵandar jeke adam úshin qajetti salalar, al jeke adam baqytty bolýy úshin memlekettiń órkendeýi qajet, búkil álemdik damýdyń uly kóshinde ózindik orny bolýy kerek. Basqasha aıtqanda jeke adamdardan bastap, memlekettik deńgeıge deıingi máseleler keshendi túrde qamtylǵan. Joldaýda tereńnen oılastyrylyp, aldaǵy damý baǵyttarymyzdyń qandaı bolatyny týraly aıqyn baǵdarlar kórsetilip otyr», dedi ol.

Túrli baǵyttaǵy syrtqy baılanystar men ishki saıası-áleýmettik turaqtylyqty saqtaý boıynsha júrgiziletin syndarly saıasat jaıy, búgingi múmkindikterimiz ben erteńgi kórsetkishterimizdiń deńgeıin saralaý, damýdyń qaı satysyna kóterile alatyndyǵymyzǵa boljam jasaý tek kóregendilikti ǵana emes, qazirgi álemdegi jaǵdaılardyń syrlaryn tereń meńgergen suńǵylalyqty qajet etetin kúrdeli talap ekendigin atap ótken B.Ábdýálıuly «Elbasy Joldaýy osy talap údesinen shyǵa alǵan, Qazaqstan halqynyń turmysy men bolashaǵynyń negizgi sharttary keshendi túrde qarastyrylǵan tolyqqandy, tarıhı qujat bolyp tabylady», dedi óz sózinde.