Elbasynyń bıylǵy Joldaýy mańyzdy da mándi, óte erekshe boldy
ALMATY. Aqpannyń 19-y. QazAqparat /Ádilet Musahaev/ - Búgin Almaty qalasy Jastar saıasatyn damytý memlekettik qory Prezıdenttiń «Jańa onjyldyq - jańa ekonomıkalyq órleý - Qazaqstannyń jańa múmkindikteri» atty Joldaýyna arnalǵan dóńgelek ústel ótkizdi,
dep habarlaıdy QazAqparat.
Sharanyń maqsaty - demalys ortalyqtarynyń patrıottyq tárbıe berý, memlekettik tildi, mektepke deıingi tárbıeni jáne bilim berýdi damytý, jastar arasynda salaýatty ómir mádenıetin nasıhattaý jónindegi múmkindikterin qarastyrý.
Dóńgelek ústel jumysy salaýatty ómir salty, mektepke deıingi tárbıe men bilim berý, memlekettik tildi jarııalaý jáne jastarǵa patrıottyq tárbıe berý baǵyttarynda júrgizildi.
«Bıylǵy Elbasynyń Joldaýy mańyzdy da mándi óte erekshe boldy. Prezıdent óz joldaýynda daǵdarystan keıingi ýaqyttaǵy Qazaqstannyń damýy jaıynda kóp aıtty. Sonymen qatar ǵylym, bilim, densaýlyq salalaryna da kóp kóńil bóldi. Joldaýdaǵy josparlanǵan jumystardyń túpki maqsaty elimizdiń ǵumyryn baıandy etý, órkendeýine jol ashý, onyń tili men mádenıetiniń keń qushaq jaıýy. Sondyqtan búgingi jıyn memlekettik til men jastardyń patrıottyq sezimin nyǵaıta túsýge arnalǵan», deıdi Almaty qalasy Áýezov aýdany ishki saıasat bóliminiń bastyǵy Aıdar Esenbekov.
Sharaǵa Almaty qalasy Jastar saıasaty jónindegi basqarma, Áýezov aýdany ákimdiginiń, ortalyqtandyrylǵan kitaphana júıesiniń ókilderi men oqýshylar jáne stýdentteri qatysty.
