Elbasynyń Belarýs Respýblıkasyna sapary týraly vıdeorolık jarııalandy
Aıta keteıik, keshe QR Prezıdenti Mınkige resmı sapary aıasynda Belarýs prezıdenti Aleksandr Lýkashenkomen shaǵyn quramdaǵy kelissózder ótkizdi.
«Osy jyldardyń ishinde biz sizben birge dostyq pen yqtymaqtastyqtyń qýatty ekonomıkalyq, saıası bazasyn qalyptastyrdyq. Qıyn jaǵdaıda siz, Aleksandr Grıgorevıch elińiz úshin kóp is tyńdyrdyńyz. Belarýs damyǵan naǵyz eýropalyq elge aınaldy», - dedi Nursultan Nazarbaev.
Sondaı-aq, Elbasy eki eldiń kóptegen salalaryn qamtıtyn qujattarǵa qol qoıdy.
«Búgin kóptegen qujattarǵa qol qoıyldy. Olardyń ishinen men 2026 jylǵa deıingi áleýmettik-ekonomıkalyq yntymaqtastyq týraly shartty aıryqsha bóle atap ótemin. Onyń keshendi sıpaty eki eldiń yntymaqtastyǵy úshin jańa strategııalyq baǵdardy aıqyndaıdy. Eń bastysy bizde ortaq nıet, ortaq kózqaras bar. Bizdiń seriktestigimiz ben múddelestigimiz eki memleket pen halyq úshin birtindep, arta túsýde», - dedi Qazaqstan Prezıdenti Belarýs Prezıdentimen kelissózderden keıingi birlesken málimdeme barysynda.
