Elbasynyń bastamasymen jańa qaıyrymdylyq jobasy qolǵa alyndy

NUR-SULTAN. QazAqparat – Áleýmettik osal toptaǵy qazaqstandyqtar «Elbasy jylýy» aktsııasy aıasynda kómek alatyn bolady, dep habarlaıdy QazAqparat.

«Búginnen bastap Qazaqstannyń Tuńǵysh Prezıdentiniń bastamasymen «Elbasy jylýy» qaıyrymdylyq aktsııasy bastaý alady. Aktsııa sheńberinde Nursultan Nazarbaev qory jáne «Degdar» qaıyrymdylyq qory azyq-túlik jáne birinshi qajettiliktegi taýarlar túrinde muqtaj qazaqstandyqtarǵa kómek kórsetedi», - dep jazdy Elbasynyń baspasóz hatshysy Aıdos Úkibaı Twitter-de.

Eske salaıyq, ótken jyldyń naýryz aıynda Tuńǵysh Prezıdent Nursultan Nazarbaevtyń bastamasymen pandemııa jaǵdaıynda áleýmettik osal toptaǵy azamattardy qoldaý úshin «Birgemiz» qory qurylǵan bolatyn. Osyǵan oraı Elbasy úndeý joldaǵan edi.