Elbasynyń bastamasymen taǵy 20 myń bilim granty bólindi

PAVLODAR. QazAqparat - Qazaqstanda tehnıkalyq mamandardy kóbirek daıarlaý maqsatynda qosymsha joǵary bilim granttary bólindi, dep habarlaıdy QazAqparat tilshisi.

«Elbasynyń úshinshi áleýmettik bastamasy boıynsha joǵary oqý oryndaryna qosymsha 20 myń grant bólindi. Granttar jónindegi memlekettik komıssııanyń jumysy jýyrda ǵana aıaqtaldy, 68 myń adam grantqa ıe boldy. Bul óte jaqsy», - dedi Qazaqstan Prezıdentiniń Bes áleýmettik bastamasyn iske asyrýdy baqylaý jónindegi respýblıkalyq qoǵamdyq keńestiń tóraǵasy, senator Baqytjan Jumaǵulov Pavlodarda «Nur Otan» partııasynyń oblystyq aktıviniń otyrysynda.

Qosymsha granttar negizinen tehnıkalyq mamandyqtarǵa baǵyttalǵan.

«Bul jańa ekonomıkada qajettilik baıqalatyn myńdaǵan mamandardy daıarlaýǵa septigin tıgizedi. Bul týraly Memleket basshysy bıylǵy Joldaýynda tolyq aıtqan bolatyn», - dedi B. Jumaǵulov.