Elbasynyń bastamalary BUU Bas Assambleıasynyń 72-sessııasynda usynylatyn boldy

ASTANA. QazAqparat - 19 qyrkúıek kúni Nıý-Iorkte Birikken Ulttar Uıymynyń shtab-páterinde BUU Bas Assambleıasy 72-shi sessııasynyń Jalpy debaty bastalady, dep habarlaıdy QR Syrtqy ister mınıstrliginiń baspasóz qyzmeti. 

Іs-sharaǵa dástúrli túrde memleket jáne úkimet basshylary, syrtqy ister mınıstrleri jáne BUU-ǵa múshe memleketteriniń joǵary ókilderi, óńirlik jáne halyqaralyq uıymdar basshylary, kórnekti saıasatkerler men dıplomattar qatysady.

72-shi sessııasynyń taqyryby - «Adamdarǵa - erekshe nazar: tirshilikke qabiletti planetada barsha úshin beıbitshilik pen laıyqty ómir súrýdi qamtamasyz etýge talpynys».

Qazaqstan atynan debatqa Syrtqy ister mınıstri Qaırat Ábdirahmanov qatysady. SІM basshysy BUU-ǵa múshe memleketterdi Tómen baıytylǵan ýran bankiniń jáne Islam yntymaqtastyq uıymynyń Birinshi Ǵylym jáne tehnologııalar jónindegi Astana Sammıtiniń ashylýy barysynda usynylǵan Qazaqstan Prezıdenti Nursultan Nazarbaevtyń bastamalarymen tanystyrady, jahandyq jáne óńirlik qaýipsizdiktiń negizgi máseleleri boıynsha Qazaqstannyń ustanymyn túsindiredi.

Mınıstr «EKSPO-2017» halyqaralyq kórmesiniń qorytyndylary men murasy týraly, eldiń saıası, ekonomıkalyq jáne rýhanı ómirindegi jańǵyrtý úderisteri týraly aıtyp shyǵady.

Sonymen qatar, Qazaqstan delegatsııasy sapar barysynda bir top ekijaqty jáne kópjaqty konsýltatsııalar ótkizbek.