Elbasynyń baspasóz hatshysy: Qazaqstan damýdyń strategııalyq baǵdarlamasyn jalǵastyrady
«Nur Otan» partııasynyń ortalyq apparatynda jaqynda ótken keńeste jáne Qaýipsizdik keńesiniń otyrysynda Nursultan Nazarbaev memlekettiń aldaǵy ýaqytta damýdyń strategııalyq baǵdarlamasyn jalǵastyratynyn atap ótti. Sonymen birge, partııa sezinde usynylǵan áleýmettik bastamalarǵa erekshe nazar aýdarylyp otyr. Qaýipsizdik keńesiniń ári «Nur Otan» partııasynyń Tóraǵasy Nursultan Nazarbaev úshin azamattardyń ál-aýqatyn arttyrý jáne Qazaqstannyń órkendeýi - jumysynyń basty baǵyttary bolyp qala beredi», - dedi Aıdos Úkibaı. Onyń aıtýynsha, Elbasynyń aldaǵy barlyq qadamdary osy aıqyndalǵan mindetterdi oryndaýǵa baǵyttalady.
Eldegi bılik sabaqtastyǵyna qatysty suraqqa jaýap bergen baspasóz hatshy Qazaqstannyń qazirgi Prezıdenti Qasym-Jomart Toqaev - «ómirlik mol tájirıbege jáne memlekettik basqarýda negizgi daǵdylarǵa ıe adam» ekenin atap ótti.
«Elge qyzmet etken jyldarynda Qasym-Jomart Kemeluly senip tapsyrylǵan barlyq ýchaskede nátıjelilikti kórsete otyryp, ózin bilikti menedjer retinde tanyta bildi. Keıbir sarapshylar aıtyp júrgendeı, Toqaev Prezıdent laýazymyna taǵaıyndalǵan joq. Qasym-Jomart Kemeluly Konstıtýtsııa normalaryna sáıkes, ókilettikti aldy. Endi is basyndaǵy Prezıdent Elbasy bastaǵan el damýynyń strategııalyq mindetterin oryndaýǵa kirisip ketti», - dedi Aıdos Úkibaı.
2019 jyldyń 19 naýryzynda Nursultan Nazarbaev QR Prezıdenti ókilettigin toqtatý týraly sheshim qabyldaǵany belgili.
«Elbasy óziniń kóregendigimen jáne danalyǵymen bılikti basqarýshylardyń jańa býynyna beıbit túrde tapsyrý jaǵdaıyn jasady. Álemdik qaýymdastyq pen elimizdiń azamattary Elbasynyń bul sheshimine tereń túsinistikpen jáne úlken qurmetpen qarap otyr», - dep atap ótti Tuńǵysh Prezıdenttiń baspasóz hatshysy.
Ol óz sózinde álemdegi kóptegen saıasatkerler Qazaqstannyń tabystylyǵyn Nursultan Nazarbaevtyń esimimen baılanystyryp otyrǵanyn aıtty. Reseı Prezıdenti Vladımır Pýtın men Germanııa Kantsleri Angela Merkel telefon arqyly sóılesken kezinde qazaqstandyq kóshbasshynyń sheshimine baılanysty ókinishterin bildiretinin jetkizgen. Bul rette, Nursultan Ábishuly Qazaqstannyń Tuńǵysh Prezıdenti - Ult kóshbasshysy bolyp qala beredi. Onyń mártebesi men quqyqtary «Qazaqstan Respýblıkasynyń Tuńǵysh Prezıdenti - Elbasy týraly» tıisti zań normalarymen rettelgen.
«Elbasyǵa tarıhı mıssııaǵa saı memlekettik qurylym máselelesi jónindegi bastamalarymen el halqyna, memlekettik organdar men laýazymdy tulǵalarǵa shyǵý quqyǵy ómir boıyna berilip otyr. Sondaı-aq, Nursultan Ábishuly Parlamentte jáne Úkimet otyrysynda sóz sóıleı alady. Budan bólek, memlekettiń ishki jáne syrtqy saıasatyna qatysty negizgi baǵyttar boıynsha bastamalar Qazaqstannyń Tuńǵysh Prezıdentimen kelisilýi tıistigine erekshe nazar aýdarý kerek», - deıdi A.Úkibaı.
Ol sonymen qatar, eldiń ishki jáne syrtqy saıasatyn júzege asyrýda Qaýipsizdik keńesiniń keńeıgen róline toqtaldy. Zańnamaǵa sáıkes, Qaýipsizdik keńesiniń tóraǵasy - Qazaqstannyń Tuńǵysh Prezıdenti.
Baspasóz hatshysy Nazarbaevqa shet elderdiń memleket basshylary men halyqaralyq uıymdardan kóptegen jedelhattar men shaqyrtýlar túsip jatqanyn tilge tıek etti.
«Kóptegen basshylar Elbasyny qurmetti qonaq retinde kórgisi keletinderi qupııa emes. Nursultan Nazarbaev - halyqaralyq kún tártibinde óziniń naqty ustanymdary bar álemdik deńgeıdegi abyroıly saıasatker. Sol sebepti Elbasy óziniń jumys kestesinen halyqaralyq sharalar men shetelge, sonyń ishinde strategııalyq seriktes elderge saparlardy alyp tastaǵan joq», - dedi ol.
Foto:old.aikyn.kz
