Elbasynyń baǵdarlamalyq maqalasy jańa múmkindikter ashty - professor Taımaǵambetov

ASTANA. QazAqparat - Bul kúnderi Memleket basshysynyń el ómirinde jańa qadamdarǵa negiz qalaıtyn naqty mindetter júktegen  «Bolashaqqa baǵdar: rýhanı jańǵyrý» atty baǵdarlamalyq maqalasy  keńinen talqylaný ústinde. 

Bul oraıda eliniń erteńine eleńdegen  ozyq oıly azamattar, qoǵam qaıratkerleri, ǵalymdar  ún qosyp júrekjardy pikirlerin bildirip jatyr.  Osy oraıda QR Ulttyq mýzeıi dırektorynyń orynbasary, QR UǴA korrespondent múshesi, professor Jáken Taımaǵambetov óz tolǵamyn bylaısha jetkizedi.

  «Asa mártábeli Nursultan Ábishuly!

Qazaqstan Respýblıkasy Ulttyq mýzeıiniń aýqymdy ujymy Sizdiń uǵynyqty túrde jańa ıdeologııalyqtuǵyrnama tujyrymdalyp, Qazaqstan qoǵamyn rýhanı jańǵyrtýdyń qundy basymdyqtary belgilengen «Bolashaqqa baǵdar: rýhanı jańǵyrý» atty baǵdarlamalyq maqalańyzben muqııat tanysa kelip, ony biraýyzdan qoldaıdy.

Baǵdarlamalyq qujattyń arqasynda aldymyzda jańa múmkindikter ashylýda, bul túptep kelgende, Ulttyq mýzeıdiń ujymyn damýdyń básekege qabiletti deńgeıine shyǵaryp, álemdegi áıgili mýzeıler arasynda óziniń ornyn tabýǵa múmkindik beredi.

Biz Sizben árdaıym birgemiz!», - deıdi professor Jáken Taımaǵambetov.