Elbasynyń atyna nesıelik oqý júıesi boıynsha bilim alǵan azamattan hat tústi
ANA. Qarashanyń 4-i. QazAqparat /Marlan Jıembaı/ - Men nesıe júıesi boıynsha joǵary oqý ornynda bilim aldym. 2000 jyly Almatydaǵy T.Rysqulov atyndaǵy Qazaq ekonomıka ýnıversıtetine túskenimde atalǵan oqý ornynyń dekany nesıe júıesi boıynsha bilim alǵan túlekter jumyspen tolyq qamtylady dep ýáde berip, oqý aıaqtalǵannan keıin oqý aqysyn tóleı bastaıtynymyzdy qulaqtandyrǵan bolatyn.
Búgin Elbasy Nursultan Nazarbaevtyń tikeleı jeli arqyly halyqpen tildesýine oraı jumys istep jatqan Baılanys ortalyǵyna hat joldaǵan Laýra Tasmaǵambetova osylaı jazady, dep habarlaıdy QazAqparat.
«Men atalǵan ýnıversıtetti 2004 jyly támamdadym. Joǵary oqý ornynda oqyp júrgen kezimde kelisimshart negizinde eshqandaı tólem jasamadym. Taıaýda maǵan QR Bilim jáne mınıstrliginen 4 jylǵy oqýyma jalpy somasy 300 myń teńge kóleminde nesıe tóleýim qajettigi týraly hat keldi. Prezıdent myrza, Sizden atalǵan somany tóleý úshin meniń jumysqa ornalasýyma qol ushyn berýińizdi ótinemin. Sebebi 2004 jyldan beri jumys taba almadym. 1 bala tárbıelep otyrmyn», depti hatynda.
Aıta keteıik, 1999 jyly engizilgen nesıelik oqý júıesi boıynsha birneshe myńdaǵan jas bilim aldy. Qazirgi ýaqytta olardyń kópshiliginiń naqty jumys oryndarynyń bolmaýynan nemese basqa da sebeptermen atalǵan qarajatty qaıtarmaı otyrǵany da shyndyq. Osy oraıda, bul saýal nesıe júıesi boıynsha bitirgen kóptegen azamattar úshin asa mańyzdy.
