Elbasynyń atyna eki jylǵa sottalǵan fızıka muǵalimine qoldaý bildirilgen úndeýhat jazyldy
ASTANA. QazAqparat - Qazaqstandyqtar jalǵan lańkestik úshin eki jylǵa sottalǵan qaraǵandylyq muǵalim ıÝrıı Pakqa qoldaý bildirip, petıtsııaǵa qol qoıýda, dep habarlaıdy QazAqparat.
Petıtsııa Prezıdent Nursultan Nazarbaevtyń atyna jazylǵan. Onda úsh kún buryn jazalaý úkimi shyqqan fızıka pániniń oqytýshysy ıÝrıı Paktyń isin qaıta qaraý suralǵan.
4 qazan kúni avaaz.org qoǵamdyq petıtsııalar saıtyna ornalastyrylǵan úndeýhatqa myńnan astam adam qol qoıyp úlgerdi jáne olardyń sany jyldam artý ústinde.
Eske salsaq, ıÝrıı Pakqa 2015 jyldyń 14 sáýirinde Qaraǵandydaǵy TsÝM ǵımaratyna «bomba» qoıdy degen aıyp taǵyldy. Sebebi onyń uıaly telefonynan shuǵyl áreket etý qyzmetterine qońyraý túsken. Er adam bomba qoıatyndyǵy týraly habarlaǵan.
Ustaz sotqa óziniń bul iske qatysy joqtyǵyn aıtyp-baqty. Onyń aıtýynsha, qońyraý shalynǵan ýaqytta ol áriptes-áıelderge partalardy tasýǵa kómektesip júrgen. Telefon bul ýaqytta kórshi kabınette, sómkesiniń ishinde jatqan.
