Elbasynyń atyna «Ázerbaıjan-Qazaqstan» dostyq qoǵamy basshylarynan ujymdyq hat kelip tústi

Hatta jaqynda Bakýde Qa­zaq­stannyń kıno kúnderi ótkeni atap ótilgeni jazylǵan, dep jazdy «Egemen Qazaqstan» gazeti 2012 jyldyń 17 sáýirinde jarııalaǵan «Qazaq baýyrlaryna rızashylyq bildiredi» atty maqalasynda.

«Balalyq shaǵym­nyń aspany» fılmi kórer­men­derdiń erekshe yqylasyn týdyr­ǵan. Dostyq qoǵamy basshy­lary­nyń pikirlerinshe, Memleket bas­shysynyń ómirbaıany arqyly fılmde aǵa urpaqqa, ata-ana­lar­ǵa qurmet kórsetý, dosynyń ómiri úshin jan qııýǵa daıyn turý, erjúrektilik pen namys sııaqty qasıetter sátti kór­setilgen.

«Stalındik qýǵyn-súrginnen burynǵy KSRO-nyń barlyq ha­lyq­tary, sonyń ishinde, Ázerbaı­jan da zardap shekti. Qazaq hal­qy­nyń baýyrlas, rııasyz qol­daýyn­syz jerlesterimiz ekinshi Otandary - Qazaqstanda óz ómir­lerin saqtap qala almas ta, qal­pyna kele almas ta edi. Osyny biz búginde tolyq jaýapkershilikpen málimdeımiz. Qazaqstanda turyp jatqan ázerbaı­jan­dyq­tardyń úshinshi býyny Sizdiń barlyq bastamalaryńyz ben ja­sampazdyq eńbegińizdi árdaıym qoldap keldi jáne qoldaı beredi», - dep jazady «Ázerbaıjan-Qazaqstan» dostyq qoǵamynyń ókilderi.

Hatqa «Ázerbaıjan-Qazaq­stan» dostyq qoǵamynyń prezıdenti Eldar Gıýnaıdyn, Ázer­baıjannyń halyq jazýshysy Chın­gız Abdýllaev, Kórkemóner akademııasynyń rektory Omar Eldarov, Ázerbaıjan Munaı akademııasynyń rektory Sııavýsh Garaev, Ázerbaıjan halyq ártisi Oktaı Mırkasımov qol qoıǵan.