Elbasynyń atyna astana merekesi men týǵan kúnine oraı quttyqtaýlar jalǵasýda
Belarýs Respýblıkasynyń Prezıdenti Aleksandr Lýkashenko Elbasynyń táýelsiz Qazaqstannyń qalyptasýy men órkendeýindegi aıryqsha rólin atap ótti.
– Sizdiń Belarýs pen Qazaqstan arasynda jemisti baılanys ornatýǵa, eýrazııalyq ıntegratsııa ıdeıasyn is júzine asyryp, postkeńestik keńistikte tynyshtyq pen turaqtylyqty qamtamasyz etýge qosqan ólsheýsiz úlesińiz úshin alǵys bildiremin. Árdaıym ekijaqty jáne halyqaralyq kún tártibindegi ózekti máseleler boıynsha ózara tıimdi sheshim qabyldaýǵa ázirligimen ári ashyqtyǵymen erekshelenetin jaqyn qarym-qatynasymyzdy joǵary baǵalaımyn, – delingen A.Lýkashenkonyń jedelhatynda.
Túrikmenstan Prezıdenti Gýrbangýly Berdimuhamedov qazirgi Qazaqstannyń tarıhy Nursultan Nazarbaevtyń esimimen tyǵyz baılanysty ekenin aıtty.
– Túrikmenstan men Qazaqstan Respýblıkasy arasyndaǵy yntymaqtastyqtyń joǵary deńgeıin erekshe atap ótkim keledi. Túrikmenstan men Qazaqstannyń memleketaralyq qatynastary jáne strategııalyq seriktestigi aldaǵy ýaqytta da bizdiń baýyrlas halyqtarymyzdyń ıgiligi úshin damyp, nyǵaıa túsetinine senimim mol, – delingen Túrikmenstan Prezıdentiniń hatynda.
