Elbasynyń at ústindegi jáne sportpen shuǵyldanǵan fotosýretter toptamasy jarııalandy

ASTANA. QazAqparat - QR Prezıdenti Nursultan Nazarbaevtyń derbes paraqshasynda Elbasynyń at ústinde jelip kele jatqan sáti jáne sportpen shuǵyldanǵan shabytty kezderi beınelengen fotosýretter toptamasy usynyldy. Bul týraly Feısbýk áleýmettik jelisindegi Aqordanyń resmı paraqshasynda habarlandy.

«At - erdiń qanaty» deıdi qazaq. Júırik miný - ulttyq úrdisimiz. Batyrdyń bir kúshi -tulparynda. Patshanyń dańqyn dúldúl asyrady.

Memleket basshysy bir suhbatynda: «Amerıkaǵa barǵanda Djeıms Beıkermen birge atpen júrdik. Ol meniń atpen júretinime tańǵaldy. Men «Dalanyń qypshaǵy emespiz be? Atpen júretin jalǵyz sizder dep oılaısyz ba?» dedim», - deıdi.

Bala kezden atqa minip úırengen Nursultan Ábishulynyń múmkindik týyp, qol bosaǵanda jelmen jarysa shabýdy jany súıetin atqumar, naǵyz qazaq ekeni jurtqa málim.

Búgin «Feısbýk» kórermenderi nazaryna Elbasynyń at ústinde jelip kele jatqan sáti jáne sportpen shuǵyldanǵan shabytty kezderi beınelengen fotosýretter toptamasyn usynyp otyrmyz», delingen áleýmettik jelidegi jazbada.