Elbasynyń arnaıy Jarlyǵymen 700-den asa adam Qazaqstan Respýblıkasynyń azamattyǵyn alady

Bul týraly búgin Aqordada elimizdiń Memlekettik hatshysy Qanat Saýdabaevtyń tóraǵalyǵymen ótken QR Prezıdenti janyndaǵy azamattyq máseleler jónindegi komıssııanyń otyrysynda málim boldy.

Alqaly jıyndy ashqan Q.Saýdabaev TMD men taıaý jáne alys shet elderden Qazaqstan azamattyǵyn alý úshin tıisinshe organdarǵa ótinishterdiń molynan túskendigin aıta kele: «Meniń oıymsha, bul osy jyldardyń ishinde Qazaqstannyń ekonomıkalyq qýatty, demokratııaly elge aınalǵandyǵyn dáleldeıdi. Taǵy bir dálel, táýelsizdik jyldary bizdiń elimizdiń azamattyǵyn álemniń ártúrli elderinen shamamen 1 mıllon adam aldy», - dep atap ótti Memlekettik hatshy.

Aǵymdaǵy jylǵy qorytyndy jıynda Qazaqstan azamattyǵyn alǵysy kelgenderdiń tizimi bekitildi. Endi Memleket basshysy tıisti Jarlyqqa qol qoıǵannan keıin TMD men alys shetelderden kelgen 700-den asa adam Qazaqstan Respýblıkasynyń azamattyǵyn alady.